يابنات حلى روعة بس عندي مشكلة

اختي مس جامعيه
(اتوقع تقصدين حلى معمول الدواسر)
ممكن تكتبي الطريقة الله يجزاكي خير

السلام عليكم ورحمه الله وبركاته
هذا هو الحلا و أسمه المعمول الدوسري ممممممرة لذيذ و أنا زينته صراحة طعمة كذا
المقادير
2كيس شعيريه باكستانيه
علبه حليب نستله المحلى المركز
4جلكسي الساده
للتزيين
بسكوت اوريو ( تمسحين القشطه الي داخله وتطحنينه )
الطريقه
تحمسين الشعيريه على المقلى بدون زيت او زبده حتى تتحمر بعدين تحطينها في الخلاط وتحطين معها الحليب والجلكسي
بعد ما طلعينها من الخلاط تصير زي العجينه الينه كوريها كور صغار بحجم المعمول الدوسري
بعدين غمسيها في بسكوت الأوريو المطحون
وبيصير شكله نفس المعمول الدوسري

مشكوره حبيبتي على الموضوع
ومشكوره حبيبتي ينبوع على الامانه وسرعه الفزعه تسلمين وجزاك الله خير

فيه طريقة ثانية تحمسين الشعرية بدون زيت وتخلط مع بنت بتر وشوي حليب مركز وتعجن وتكور وخذي شوي من الشعريه وحمسيها غامق شوي واخلطيها مع البسكويت عشان تصير مثل اعواد البخور وغلفي فيها الكور هي نفس خطوات الطريقة الأولى بس الحشوه غير أن شاء الله تعجبك

اختي ينبوع
الف شكر لك والله يجزاك خير ويوفقك على سرعة الرد
وراح اجربه اليوم ان شاء الله