يابنات حواء افزعوا لي بهالمصيبه😭

السلام عليكم ورحمة الله
بدخل بالموضوع على طول لان نفسيتي زفت من البارح😭💔
دقت علي اختي تقول انها اضافة اخوي بالسناب وماعرفها
وشافت حاجات تشيب الراس 🤦🏻‍♀️
اخوي له فتره طويله يغيب عن البيت خاصه بالليل ولانشوفه الا اليوم الثاني واحيانا بالايام ومرات يرجع وواضح عليه انه سكران والا بالع له بلا😭
امي خايفه ماتعلم ابوي لانه غير متفهم وممكن يطرده برا البيت
بس لمحت له تلميح ينتبه له ولاحياة لمن تنادي
اللي محيرنا انه يغيب فترات طويله وبعد مااضافته اختي وقبلها بالغلط عرفنا وين يقضي هالوقت 😭
تخيلوا مرقص بالسعوديه وبكل وقت الظهر والعصر والمغرب وحريم لبسهن فاضح يرقص معهن ويصور سلفي
انا متأكده انه وصل الكباير خلاص
كان وش زينه وانسان نظيف وحبوب لكن حسبي الله على من جره معه وعلمه هالامور اللي دمرته في عز شبابه
صاير مررره نحيف وقليل جلساته معنا في عالم ثاني
انا سويت سناب جديد ابغى اراقبه ومنها ابغى فزعتكم وش اسوي عشان يتوب من هالامور
ابغى اسوي حركه تخليه ماعاد يطب هالاماكن بدون مايعرفني
تكفون اللي بتفزعلي بدعي لها في صلاتي 💔😩