يمكن معاكم حق خساره الوحده تعب نفسها وبعدين ينكب زباله بس للأمانه ( اني عمري ماجربت شي الا وضبطته من منتدنا الغالي حواء) بس طريقة حلوى بحرينيه الشي الوحيد الي كبيته زباله ويمكن كان الخطا مني.... اتخذ لاخيك المسلم سبعين عذرا فان لم تجد فقل مني( بما معناه حديث حق الرسول الكريم صلى الله عليه وسلم)

الطبخ نفس..

يعني في ناس ماشاء الله من تكوين المقادير خلاص تلقينها تتخيل الطبخه وتضبطها

وفي ناس لازم المقدار بالسم..وسبحان الله ماتضبط..

ياقلبي اقولك شي من تجربتي في الطبخ خصوصا الحلويات..

الدقيق له دور في أنواع تشرب السوائل بسرعه وتحتاج زياده يعني تلقين العجينه

صارت يابسه بسرعه..وفي أنواع لو تضيفين لها شوي زبده او اي سائل

تلقينها صارت لينه وماتحتاج زياده..

والسميد له دور تماما مثل الدقيق في انواع خشنه وانواع ناعمه..

البيض له دور في الصيف غير الشتا واحجامه لها دور..

الافران ياقلبي تختلف ايضا حرارة فرنك وتوزيعه او هل هو غاز او كهربائي

المقادير نفسها تختلف يعني الكوب اللي أنتِ تستخدمينه..

او الملعقه..وانا انصحكم تشترون الاكواب اللي تكون مقسمه خصيصا للطبخ اسهل

في القياس..

الخميره والباكنج باودر و جودتها ايضا لها دور..

اذكر في رمضان انا جربت طريقة بسبوسه والله طلعت لينه لدرجة اننا اكلناها

بالملعقه..وفي اخوات جربوها يقولون طلعت يابسه..ماادري شلون وحنا كلنا نفذنا

الطريقه بحذافيرها..

وغير كذا الذوق يختلف..يعني في كثير حلويات اشوف الردود عليها الصفحات

ماشاء الله مليانه لكن انا مااجربها ليش..؟

لأني ادري انها مو ذوقي ليش اتعب نفسي واسويها..في ناس تعجبهم بس انا لا..

لكن انا دايم احب اني التمس العذر..وكل واحد وضميره ياقلبي

حنا مانبي الا دعوه صالحه..

معاكم حق يا خربت وصفات
وترا حتى الكتب اكثرها مو ظابطه المالح والطبخ يترقع بس الحلو ما يترقع

عشان جذي يوم انزل وصفه اصورها وانزلها بالتفصيل عشا اكون واضحه


والله يعين

ومشكوره على طرح الموضوع ياعسل .

الله يوفقك ويسعدك يارب .

شوفي اني اذا اجرب طريقة دائما اجرب نصف او ثلث المقدار يعني ولا مرة جربت من اول مرة اسوي المقدار كامل واذا عرفت للوصفة عدل بعدين اسوي المقدار كامل

وثاني شي ان صاحبة الطبخة متعودة على طبختها وتشوفها احلى من اي طبخة ثانية يعني كل وحدة وذوقها في شي اهي تحبة انتي مو شرط يعجبج

ويمكن انتي ما تضبط معاج

وفي النهاية الطبخ فن مو كل وحدة تعرف لة انتي اذا عرفتي تركبي لج كم مقدار على بعض وانتي واثقة من طعم كل مقدار تطلع الطبخة في النهاية اوكي