للرفع.

اول شي مبروك الزواج ويلا شدي حيلك مافي وقت لازم تكون عندك اراده قويه وابدئي من الان
اتركي الحلويات والمشروبات الغازيه
ابتعدي عن النشويات من رز وخبز ابيض وبطاطس ..الخ
مسموح لك بس بخبز البر ولاتكثرين كذا ربع غريف او نص
وابتعدي عن المقالي واكلي بس مشوي ومنزوع الجلد
وامشي باليوم ساعه على الاقل واذا فيك تزيدين يكون احسن بس لاتخليها ساعتين متصله لانك بترهقي نفسك وانتي مو متعوده...
وان شالله مع الاراده تنحفين على قليله نزلي 10 كيلوو ...
...........
بالنسبه لشعر الجسم ارمي خلاص الموس يخشن الشعر ويخليه سميك ويلعب بمسام البشره غير ان الشعر يطلع بسرعه ويسوود الجسم
حاولي تتعلمين تشيلين ايدينك ورجولك وتعلمي من الان عشان يخف الشعر لانه الشعر بعد بيطلع واقف من الموس مع الاستمرار الشيل بالحلاوه بيخف الشعر...
اخدمي حلاوة شهرزاد سخنيهااا وخليهااا سايحه مره وانتبهي لانها بتكون حاره واشتري قماش تبع الواكس (الشمع) يجي لفه رول وانتي تقطعينها بالمقص بالمقاس المناسب وتلقينها في محلات تجهيز الصالونات وادوات التجميل سعرها بحدود 30 او 35 ريال
واشتري بودره للجسم ولازم يكون معك سكين الزبده الناعم وخليه خاص فيك
ابدئي بيدك لازم تكون نظيفه ومافيه لوشن انثري البودره ومسحي بالسكين من الحلاوه على يدك وحطي فوقها القماش ونزعيه بشكل يخالف اتجاه نمو الشعر طولي بالك وبتتعلمي مع الايام وبتخف يدك
مع المنطقه الحساسه نفس الشي بس افضل يكون معك مرايا كبيره وتجلس عالسرير وتخليين المرايا مقابله لك وابدئي بمنطقه صغيره وطولي بالك لو تجلسين ساعه عليها خليها تحدي وانزعي كل الشعر بجسمك وكل اسبوعين ثلاثه كرري المحاوله وبتخف يدك مع الايام
...
بالنسبه للسواد للمنطقه الحساسه في منتجات كثيره بس شوفي يمكن وحده مجربه تفيدك وانا سمعت في نكتار يبيع منتج لهذي المنطقه بيعمل تغطيه للون كانه كريم اساس ,,,

....
بالنسبه لتجهيزك ادعي ربك بالبركه وتصدقي لو بمبلغ صغير عشان ربي يبارك لك
بالنسبه للموضه تبع الفساتين ممكن تشترين كاتلوج 2010 وتشوفي الجديد وانا بالنسبه لي احب الاوف وايت
ونفس الشي للمكياج والتسريحه اشتري كاتلوج السنه الجديده واختاري اللي يعجبك وسوي بروفه عند كوافيره وخليها تصلح لك نفس المكياج ...
...
خلي معك نوته صغيره وحطي جدول ووزعي المبلغ على احتياجاتك
انا بحاول اعطيك فكره ...
لفستان الزواج شوفي ميزانيتك ممكن تاجرين فستان ... وممكن تفصلين بس افضل تسوين شي جديد وحطي 6000 للفستان
المسكه يبي لها بحدود 500
الشعر والمكياج2000
البديكير والمانيكير والحف والحنا والحمام المغربي حطي لهم 1000 ريال
لمفرش السرير1000وممكن اقل ب700 تاخذين
طقم شنط لجهازك ممكن ب1000
الذهب اشتري طقمين ب10 الالاف الذهب غالي
اشتري لك ساعتين وممكن تاخذين الوحده ب400 او 700 او 1000 حطي ميزانيه 1500 على الاقل
قمصان النوم استغلي وقت التخفيض الان بنعومي تخفيضات اخذي لك شي مايبرز عيوبك اشتري قصير بس ابتعدي عن الشفاف
على الاقل اشتري لك 10 قمصان على الاقل واحد حق ليلة العرس بس لاتاخذي من نعومي يجي غالي مره تبع العرايس اكيد بتلاقي محلات ثانيه انا مااعرف بالقصيم ممكن تلاقين قميص ب400 او 600 ولا تعتمدي الابيض لانه يسمن اخذي عسلي او اي لون ثاني لاتتقيدي بالابيض واشتري شبشب معه طقم واشتري لك بجايم ستان على الاقل 4 بجايم و4 قطنيات ..و10 اطقم ملابس داخليه على الاقل 10 وحطي ميزانيه 3000
العطور في ماركات حلوه زي بربري..ايف سان لوران ..جيفنشي..شانيل ..لانكوم...قوتشي.. شوفي الجديد واخذي لك اربع عطور
اشتري لك عود وبخور وعطر للمفارش واشتري مجموعه للجسم من بودي شوب او نكتار وممكن تخلينهم 2 واشتري لك فواحتن وعطرين للفواحه من بودي شوب ..حطي لهم 3000
المكياج شوفي انتي ايش تحبين ولاتكثرين اخذي كحل اسود حبتين كحل ازرق وواحد اخضر حلو لداخل العين
ماسكرا سودا ..بلاشر 3 الوان مشمشي ووردي درجتين ..الروج ..اخذي الاحمر والمشمشي والوردي والفوشي اشتري كذا لون
وعلبتين الوان شدو ..انصحك ماتكثري مكياج خصوصا ميزانيتك مو الى هناك .. وكريم اساس وحطي ميزانيه 2000
لاتنسين تشترين روب للحمام وفوطه وشبشب بنعومي الطقم ب300
اشتري لك كم جلابيه حلووه وهذا يعتمد عليك ايش تحبي شي فخم للاستقبال او مو مره فخم
اخذي لك تيورات للعزايم على الاقل 4 اطقم
واشتري لك تنورتين جينز بلونين مختلفين وتنوره سودا واخذي عليهم كم بلوزه حلوه لاتنسين تطقمين عليهم اكسسوارات لانها تزين البس وتجمله
اخذي لك شنطه وشوز اسود ولون سكري ولون بني وفضي وذهبي هالالوان تلوق مع كل الملابس
فصلي لك عبايتين وحده كشخه للعزايم ووحده عاديه للسوق والطلعات
لاتنسين تشترين لك غسول للمنطقه الحساسه تلاقينه بالصيدليات بيحفظ المنطقه من التهابات اللي العروس معرضه لها
وانصحك بغسول امن اسمه فيمي
لاتنسين تهتمي بشعرك اشتري حمام زيت فاشكول واستخدميه ثلاث مرات بالاسبوع واشتري القبعه للشعر بلاستتك
واشتري مقشر للجسم بالاملاح من بودي شوب واستخدميه مرتين بالاسبوع واشتري ليفه مخصصه له
واشتري اقنعه للوجه
ولاتنسين تسوين تنظيف للاسنان بعياده قبل زواجك بكم يوم
هذا اللي يحظرني الان وبالتوفيق

شوفي اختي انا مثلك عروس وزواجي قريب وقاعده استخدم خلطة شالسالفه لي اسبوع صراحه خـيـــال هالخلطه مع استخدام سنفره سكر وزيت زيتون واستخدم صابونه مغربيه مع زيت اللوز الحلو مره بالاسبوع اتركها ع جسمي ربع ساعه بعدين استخدم ليفه مغربيه واما بالنسبه للأظافر استخدمي الثوم واناشاءالله يطولو خلال شهر انا استخدمها بصراحه روووعه وترا الثوم يقويها ويطولها بشهر
ولشعرك استخدمي خلطه بصراحه امي مسويتها وطولت شعور خواتي بشهرين وهي زيت خروع +زيت نارجيل +زيت للوز +زيت زيتون+زيت هيمتاج وحطي ملعقتين كبار محلب ونقعيها ع الاقل اسبوع واستخدميها شهر كامل متواصل وبعدين مرتين بالاسبوع
وانا الحين قاعده استخدم كريم صرفه لي دكتور اخصائي جلديه لتبيض المناطق الداكنه واحطه ع وجهي مرتين بالاسبوع مالي غير 3 ايام من استخدامه وكان في حروق فيديني وخفت كثيرررر منه بصراحه رووعه هالكريم ............
وربي يوفقك ويسعدك وياه ومايشوف احد غيرك >>هاه لا تنسيني من الدعاء

شوفي حبيبتي
ابدئي بتنقيص وزنك والتخفيف من الاكل والغازيات والحلى
وكثري من الشاي الاخضر 3 مرات يوميا
وتناولي حبوب زهره الربيع المسائيه حلوة مره للجسم والشعر يادوب يمديك قبل زواجك
سوي تنظيف اسنان عند الدكتور اسكندر في معمل التركيبات بالبدائع مع تركيب للفص يسويه لك ب1000
بعدين روحي لعياده جلديه وخليها تعالج بشرتك
وابحثي في النت عن الخلطات للجسم والبشره
شوفي بقوقل خلطه البياض الصارخ مرررررررره حلوه
بعد كذا التجهيز اوصيك بالرياض جاليري فيه كل الماركات واقرب شي للقصيم هو
اشتري لك تيورات اطقم مع الجزم والشنط وفساتين السهره يا تفصيل او جاهز وتقدرين تبحثين بالنت عن الموديلات
المكياج روحي لشارع السويلم بالرياض او المعيقليه فيها العطور والمكياج ارخص
العطور لايفوتك الين واسكادا اس ايجنر اخر عطر نزل له جونان

يتبع:27:

الله يوفقك
شوفي لملف هذا

ودعوتك لي