يابنات حواء ياملاذي بعد الله ادخلو تكفون

بدخل بالموضوع على طول انا ترددت كثير قبل اكتب المشكله لاني اخاف احد يقراها ويعرف شخصيتي لان كثير من صاحباتي مسجلين بعالم حواء ويعرفون مشكلتي المهم يابنات انا دايما يجيني بعد الولاده واثناء الحمل اكتئاب شديد وبعد ولادتي مباشرة يجيني اكتئاب مابعد الولاده عشان كذا تشوفوني دايما اطلب منكم الدعاء بالشفاء العاجل والحين يابنات انا والده لي شهرين تقريبا ولاني اخذ ادويه حقت الاكتئاب تخليني انام واهمل عيالي وبيتي واكل عيالي ومولودي عشان كذا جبت بطلوع الروح شغاله اندونيسيه تطبخ لعيالي بس متخلفه ماهي حقتي وجبت وحده ثانيه من جنسيه ثانيه برضه متخلفه ولولا الحاجه ماجبت متخلفات يعني وحده عليها الطبخ وتنظيف دور والثانيه تساعدني وتمسك معي نوبه يعني تناوب اذا انا نمت وتمسك المولود مااطول عليكم القصه ومافيها يابنات ان الشغاله الاندونيسيه طلعت سندريلا الاندونيسيه وانا على نيتي استغلت مرضي وصارت تخدم زوجي بطريقه وقحه والله يابنات اني اذا كنت صاحيه انها تسابقني مسابق على زوجي اول مايسألني انا ولا عياله عن شي تنط بسرعه وتجيبه له واذا قلت جيبيلي مويه ولا عصير تجيبلي وتجيبله معي وتطالع فيه وتقول هذا لمستر لدرجة ان زوجي مره عزم ناس وقلتلها سوي كذا كذا على الغدا ويوم صحى زوجي وقعد يفطر وهي تجي للغرفه اللي حنا قاعدين فيها قالها زوجي لاتكثرين مافيه ناس كثير نفرين بس قالت مستر ايش سوي انا غدا وانا معلمتها شتسوي تسأله وانا جالسه جنبه وتوجه السؤال له بدون اي احترام لوجودي واذا جا من العمل والله يابنات انها تستقبله عند الباب كانها زوجته ومنيوم يدخل مستر تبغى غدا وانا لابغيت شي والله انها تخصرني وتروح للمطبخ تشتغل وتخليني ملطوعه واذا طلبت منها شي كاني اصغر عيالي ماترد علي حتى وتقولي طيب عشان اعرف انها سمعتني لا تسكت وتحقرني واذا راحت مع ولدي اوقات اخليها تروج مع ولدي السوبرماركت عشان تقضي لاني مثل ماقلتلكم تعبانه لاراحت السوبرماركت تشتري الاشياء اللي يحبها زوجي وتقول للولد هذا ابوك يحبه ومره طيحت بنتي من فوق الكرسي الهزاز حقها وتقول للشغاله الثانيه اليوم طاحت البنت بس الحمدلله مستر مازعل يعني كل همها مستر ماهو انا وبنتي الثانيه عمرها سنه ونص اذا راحت الشغاله الثانيه اجازه تستغلها فرصه مره جا ولدي الصغير وانها تضربها كف ومره جاها وانها قاعده تفتح الحفاظه تشوف فيه شي ولا لا وبعد ماشافت ان الحفاظه نظيفه تشوت البنت من ورا برجلها وش اقول ووش اخلي لو اكتب كل الاشياء اللي تسويها بتنعمون من القرايه وانتم ماخلصتو المهم لا ونسيت اقول شي بعد تخيلو انا عندي نشافه وغساله فل اوتوماتيك يعني الملابس تطلع كانها مكويه حاره ماتحط ملابسها بالنشافه تحطها على حبل الغسيل اللي بالحوش لان شباك المطبخ يطل مباشرة على الحوش وتفردها قدام الشباك عشان زوجي يشوف ملابسها الداخليه وكل ما صكيتن الستاره فتحتها وحاطه هدف شكلها براسها مره تقول للشغاله الثانيه الرجال مايهمه شكل الحرمه يهمه شطارتها وطبخها الزبده من هالموضوع بتقولولي ليش ماتطردينها اقولكم اكلها مو طبيعي ولا الشيف اسامه عشان كذا واثقه من نفسها وزوجي تعود على اكلها واللي تبيه وصلتله قلتله بطردها قالي عطيني رقمها عشان اجيبها بمكان ثاني واخليها تطبخلي ولا بعطيها زميلي واروح اكل عنده يقولها مزح برزح وانا يابنات كل خوفي اني اطلعها ويصير بيني وبين زوجي اي مشكله ويرجعها للبيت بغيابي لا حياتي متقلبه عشان كذا اخاف ودي ابلغ عليها من باب الخوف ومن باب الامر بالمعروف والنهي عن المنكر لاني تخيلت لو طاحت عند عجوز بعد ماتطلع من عندي وعندها شباب ولا طاحت بمدرسه تروح وتخلي عيالها عندها وزوجها وش بتسوي فيهم والحرمه بتكون فالمدرسه مايمديها تكشف شخصيتها زيي تراها يابنات لها 16 سنه بالسعوديه والحين جايبتلها فرخ جديد بتربيه عندنا جايبه بنت اختها فالحج والسنه الجايه بتجيب اختها ولها عشر سنين تزاحم المسلمين على الكعبه وتحج حتى بدون محرم والله اعلم بالحج وهي حقت رياجيل لا والحين مشتريه جوال جديد وطول النهار وهي حاطه اليسا ونانسي ورافعه الصوت وحنا كلنا مانسمع اغاني فالبيت لا انا ولا عيالي بنات تكفون ساعدوني فكرت اكلم الهيئه وابلغها عنها وعن المسؤله وخفت اللي عندها قريب فالهيئه ولا طريقه ثانيه تساعدني عشان اطلعا من السعوديه بدون رجعه وساعدوني اني لاطلعتها القى شغاله ثانيه تطبخ لاني مثل ماقلتلكم ظروفي مرررررره صعبه