ليه تفتشي وراه وتتصلي ... كثر المحبه والاهتمام تخنق


اتركيه

هدي نفسك و اجلسي ببيتك و حاولي تراقبيه بدون ما يحس و اعرفي سبب تغيره شغلي كيد النساء
حاولي تعرفي سبب تغيره
فتشي جواله بس مو قدامه من وراه يعني بدون ما يدري و اذا عرفتي شي سوي انك ما تعرفي
ربي يكون بعونك

التفتيش يعني شك
وكثر الدقدقه بالجوال على الرجال بالنسبه له شك مو اهتمام 
زوجك انتي بالغتي معه 
على بالك بحرصك انك بتحمينه 
وعل بالك لو راقبتيه وفتشتي جواله انك بتحافظي عليه  وللاسف بتطيرينه من يدك..
لاتقولي متغير ولا مسحوور  بلااعذار غييه 
زوجك عنده تراكمات قديمه بصدره بسبب المشاكل بينكم 
للاسف اعرف وحده نفس حالتك 
ليل ونهار تفتش ورى زوجها وتدق عليه وين رايح ووين جاي 
ودايم انصحها 
لكنها عنيده وتقول عني غبيه وهبلا لاني ماافتش ولا ادقدق على زوجي كثير  ...للاسف طلقها زوجها بتالي الليل وطردها ودق على اهلها يجون ياخذونها  قال صبرت عليها 7سنين بس تفتفش بس تنبش وراي طفشت منها ..وتعالي شوفي اهلها وانتي عارفه مجتمعنا كيف دايم بصف الرجال ..قالت لهم انا ماشكيت من فراغ 
انا لقيته يخوني ويغازل عشان كذا صرت اشك ..والله ماحد سمع لها قالو لها رجال وهو وحرر ومالك دخل فيه 
والحين ببيت اهلها لها 3 سنوات تقول اتمنى ارجع حياتي مع زوجي ولا اكون مطلقه منبوذه ....

انتبهي يااختي حاولي تلمي الموضووع 
واتركي زوجك حر طليق استودعيه الله وخلي لك شخصيه ثانيه مستقله عنه 

الرجال مايحب الحرمه الضعيفه
والي ترمي نفسها عليه
اثقلي عليه وعيشي حياتك
وشوفي كيف تتغير معاملته
وطنشي لاتبحثين وراه وتشكين فيه
خليه يروح ويجي بكيفه لاتسآلينه وين كنت ومن وين جيت
وصدقيني مع الايام اذا شاف نفسه اخر همك
يصير هو الي يطارد وراك ويقولك كل الي بخاطره ومن من دون
ماتسآلينه

حركة قوية انك تلقين على أهله تسألين اذا هو عندهم او لا

مع ان زوجي هادي بس أتوقع لو سويت كذا والله ما يرضى عليه لين يرد لي اضعافها

يعني انتي مو بس شكيتي فيه وأحرجتيه قدام أهله وطلعتيه كأنه بزر تخافين لا يضيع