يابنات زوجي مني فاهمه تفكيروا ولا عارفه اتفاهم معاه

انا قبل كدا نزلت موضوع على سوء معاملةزوجي دحين دي الفتره اسلوبوا المعتاد ماتغير طبعآ انا لي بيت في المدينه اللي انا اصلا منها اتفقنا انو كل اسبوع ينزل عشان العمل حقو طيب اوكي لاني ماقدرت اتحمل العيشه هناك المهم لما يسافر انا طبعآ مستأذنه منو انو وقت مايكون مسافر اخرج عند بنات خالتي عند اهلي عن صحباتي الين مايجي لما يجي ماخرج من البيت طول الوقت معاه طيب اذا خرجت وطبعآ بعد اذنوا يقولوا اخرجي ياحبيبتي لما اوصل يتصل يقولي بس همك الهياته ومدري ايش يلقح كلام غير كدا اذا سمعت اغنيه او كتبت حاجه بالتوبك يشك ويقولي في بقلبك غيري من دا الكلام اقولوا لا تحط في بالك افكار غلط سوء الظن فجآه يرسلي روحي بيت اهلك اللي بيننا انتهى انا مني مسؤل عنك ارجع اقلوا انا ماراح اخرج من بيتي انت لا تجي بعد السب والكلام اللي مالو لزمه غير مدة اليد ودايمآ يقولي انتي زي العنز انتي ماتسوي عنز بصراحه مره رديت عليه وقلتلوا انا عنز مني فوايد اما انت زي الفار مالك لزمه غير التجارب انا مره مني مقصره معاه بيتي نضيف ومرتب مهتمه بنفسي اطبخ واسوي اجواء لما يكون موجود ملابسوا نظيفه جاهزه دايمآ وغررفة النوم تفتح النفس انا اذا مقصره معاه بشي اقول يمكن يحقلوا يحرمني من الخرجات تخيلوا اذا طبخت اسوي حركات واتفنن شموع وشرايط حمرا مره يقولي انا نباتي مره انا مني من عشاق الارزاز فجآه يطلب كبسه اذا سويت كذا نوع سلطه يقولي لاتحطي مدري ايش طعم تراب قلتلوا ايش عرفك بطعم التراب؟؟؟:42: اسوي كبسه تجنن يكلها كلها بالعافيه عليه اوكي يقولي خلي اختي تعلمك بصراحه مامدح بنفسي انا لي نفس بالاكل واحب الطبخ اسوي كذا صنف ماحب السفره صنف حتى بين اهلي وناسي معرفوا عني انيلي نفس بالاكل وفنانه واخترع واسوي
:26:واحد يعني حيرني دا :arb:طولت عليكم سامحوني:)