يابنات زوجي يغاااااار مني .. وأنا مرة رفلا!!

السلام عليكم ورحة الله وبركاته

وشكرا لجارتي صاحبة المعرف اللي تنازلت لي عن معرفها لأن زوجي يعرف معرفي بعالم حواء
يابنات زوجي اقسم بالله مغير يقلدني طفشني وربي
حنا كلنا مغتربات خارج الوطن أنا وجارتي
المهم اذا فيه مشوار لزوجي بدوني يلبس بسرعة ويطلع في خمس دقايق
واذا كنت أنا معاه يابنات يقض الدولاب ويشوف لبسي يطالع حجابي ويطالع لبسي ثمن يروح يغير لبسه
ثمن يطلع ويناظر في ويرجع مرة ثاانية وثالتة يغير لبسه ويقعد على هالحال لين اصيح وابطل في الطلعة,,,,, اقسم بالله يابنات ساعة يحلق واذا كان حالق يقابل المراية ساعة ساعة ونص أنا يالمرة اجهز واخلص بعشر ودقايق وهو ياخذ من ساعة لساعتين

وموب بس كذا اذا اتصلوا علي صديقاتي من السعودية يطولون معاي شوي لأن عندي اي فون وفيه برنامج اتصالات اسمه فايبر المكالمة مجانية ولا فلس ادفع فيها ينقهر يقوم يتصل على اصحابه وهو جواله عادي يعني يتصل على حسابه قد ما اقعد اتكلم مع صاحباتي هو يتكلم مع أصحابه وتجي الفواتير مطنطخة:44:
واقوله يابن الحلال انا مجاني وانت تتكلم بفلوس على الاقل طلع لك اي فون مو راضي
واذا شريت لي شي يروح يشتري لروحه شي واذا شريت عطر يشتري عطر
اي شي اشتريه يشتري مثلي اشتري قمصان نوم يشتري بجايم احسه طبينتي مو زوجي صرت اخبي عنه بعض الأشياء اللي اشتريها:angry:

ومغير ينتقد ينتقد مايعرف الا النقد وعشان لاأظلمه تراه زين بأشياء واجد
بس أنا مااحب الزن من يومي بنت هادية جدا ومااحب الحكي الواجد أكل راسي وربي في ذي الغربة:44:


الشق الثاني من المشكلة وهي عيوبي أنا
أنا كنت عند أهلي مدللة كثير يابنات والله مااشيل الكوب من الأرض والحين اشتغل طبيعي في غربة
ومافي شغالات مثلي مثل كل السعوديات بس هو يبي كل شي تمام والصراحة ماني قادرة اوفي بشغل البيت
ادرس واطبخ وأنظف وكل شي.. ومقصرة في بعض الأشياء اطلع من الساعة 8 ارجع الساعة خمسة العصر وهو مثلي ونرجع عندنا واجبات الدراسة اكيد البيت بيكون فيه تقصير البيت نظيف بس الترتيب مااعرف ارتب يابنات وربي مااعرف ماتعودت ماافهم اقسم بالله يابنات عند اهلي ماتعودت مخدومة محشومة والحين تعبت احس اني رفلا رفلا رفلا مهما حاولت اتسنع مااعرف ارتب الدواليب اطبقها كل اسبوع ولا جيت ابي شي انقض الدولاب لانه فوق بعض واكسسواراتي وعطوري حوسة ساعدوني يابنات وزوجي مرتب جدا جدا ويبي كل شي بيرفكت ومرتب تكفون علموني كيف أرتب دواليب الملابس وعطوري واكسسواراتي:icon33::angry:

تزوجت وطلعت الغربة وماعندي احد من أهلي طلبتكم ساعدوني الله يجزاكم خير:44:
لأن المعرف جديد مسموح لي بكتابة ثلاث ردود فقط في اليوم