يابنات ساعدوني ... بشرتي صارت دمااااااااار :(

اختي افضل شي روحي للاختصاصية جلديةافضل لك عشان تعطيكي العلاج المناسب

عط الفواكه ...

تقصدين تقشير اللي يطول ، ويطلع وجهي كأنه تفاح مقرش :) ، هذا ما أقدر أسوي ألحين أنا أدرس في الجامعة بيطلع شكلي تحفه بعدين :)

شكراً عطر الفواكه وجزاك الله خير ..





مرحباً نملة ..
شورتك وهداية الله بس وش تنصحيني فيه أباجي غالين على غير سنع :)

وديرما أدفع 150 عشان بس يقول ( استمري )

أنا أبي شيء صدق ، وتطلع نتايجه بسرعه خلال شهر تقريباً ألاحظ التغير ... ولا أنتِ مو معي ؟؟؟

اختي في المنتدى وايد خلطات مكتوبه لازالة البقع وعملية التقشير
وانا بقولج وحده من هذه الخلطات الطبيعيه وحده من المشاركات كاتبتنها
وفعلا بتحسين بالفرق من اول يوم وانشاء الله بتستفيدين منها
وهي
قشور ثلاث موزات
ليمونه مع قشورها
بطاطه واحده مفوره (تغلى بالماء الحار حتى النضج)
علبة حليب صغيره طازجه
تخلط جميع المقادير في الخلاط وتوضع في علبه زجاجيه وتوضع في الثلاجه
كل يوم تاخذين منها القليل وتفركين فيها ويهج بشكل دائري لمده خمس دقائق
وبعدين اغسلي ويهج
وارجعي حطي القليل من الخلطه مره ثانيه كقناع واتركيه لمدة نصف ساعه او ساعه
وهذي الخلطه نافعه حق كل الجسم في اي مكان توجد بقعه سوده بأمكانك اخذ القليل من الخلطه وفرك هذي المنطقه
واتمنى انها تفيدج
والدعاء حق صاحبه الخلطه

الله يجزاك الجنة يا المهلله ، والله ما أدري كيف أشكرك ...

لكن عندي سؤال :-
قشور الثلاث موزات ، والليمونه مع قشورها أطبخهم ولا على طول أحطهم بالخلاطة ...

هم بعد الليمونه أقشرها وأحطها ويا قشرها في الخلاط ولا أحطها بقشرها بدون لأقشرها ...



معليش تراني والله ما أفهم شيء بالخلطات ، تحمليني يالغالية : )

الكل اخوات في المنتدى والكل في الخدمه والكل يحب الخير والاجر
ونحن في الخدمه
قشور ثلاث موزات فقط بدون الثمره اللي داخل
والليمونه باكملها (الثمره مع القشور)
وقشور الموز مع الليمونه بدون طبخ