ههههههههه ضحكتيني ياحلا على بالك اللي عايشة معاه ادمي ياما سويت زي كذا لكنه حيطة والحين بعد اللي قاعد يسويه فيني وانا تبلى علي عند امه اني ماالبس ولا سوي له شي انقهرت وقلت في نفسي الحين مخلصة كل الهدوم اللي في الدولاب من كثر مااشخص واتعطر وفي الاخير يقول اني مااسوي شي بطلت احط مكياج بس البس خفيف وارتب شعري عشان يحس بالفرق والله رغم انها مو عادتي بس لان مو كفو الوحدة تلبس له ياما تعطرت وبدعت في القمصان ويخليني زي نفسي في غرفتي ويقعد بالصالة وانا زي الجنية لدرجة اني خفت يجيني مس من اللبس والعطر ولوحدي بالغرفة اه يالقهر بس مااقول الا حسبي الله ونعم الوكيل

مب على كيفه ياخذ البنت وبعدين الصراحه ريلج مريض نفسيا وياليت يتعالج بس لوقلتي له بيكفخج
وبعدين الحركه اللي سواها فابوج مب حلوه بحقه مهما كان ابو زوجته ويد عياله اذا ماحترم هالشي ع الاقل يحترم انه ريال اكبر منه
اسمحيلي اذا غلطت عليه بس صج انقهرت منه
والله يهديه انشاء الله

بصراحه مع ان السالفه مو مفهومه بس زوجك وقح و قليل ادب و اسمحيلي
بس مهما صار مو مفروض يتعامل مع ابوك بالاسلوب هذا
امه بعد قمة العنجهيه و الغرور, والله لو في مكانك أروح لابوي طالما اني ما سويت شئ غلط

اخت حلا بالنسبة للبنات زوجي يموت في البنات مو قصة ولد بس الحكاية انه في شي في راسه ماب عارفته شكرا اختي بييبي فيس هذا اللي افكر فيه بس مترددة قسما بالله ماني متحسفة الا السنين اللي ضاعت وياه . اخت لجين صح كلامك انا الى الان ماني فاهمة اش اللي قاعد يصير لانه مافي سبب مخليه يعاملني هذه المعاملة بس اخته تقول اكيد اخوي فيه عين اوشي قلت لها انا بروح لاهلي وعلاج اخوكم مسؤوليتكم اذا يبيني يتفاهم مع ابوي اش رايكم انا غلطانة

مع اننا نكره ان الواحده تروح بيت ابوها زعلانه من زوجها او انها تطلب الطلاق لا سمح الله بس احيانا هذا يكون اخف ضرر و أحسن حل