يابنات ساعدوني من بعد سالفة تالا ماصرت انام ..!

السلام عليكم .،
تكفوون يابنات ساعدوني مادري وش اسوي ..
انا عندي شغاله اندونيسيه بتكمل السنتين وهي طيبه لابعد الحدود وانا اصلا جبتها عشان تجلس مع عيالي لاني موظفه وشغلي ميداني يعني اخذ وقت وانا برا وماعندي احد يمسك عيالي واطلع وانا مأمنتها عليهم ..
لكن بعد سالفة تالا وكلام الام عن الشغاله وانها طيبه مع الصغيره قمت اهوجس وماصرت انام بالليل وان نمت اقوم متروعه واشيك على عيالي لاتكون اذبحتهم ..
مع اني دايم استودعهم عند الله بس ام تالا قالت انها كانت مستودعه بنتها وصار اللي صار :(
صرت ماانام من الخوف حتى صرت ماهاوشها اذا علطت مثل اول عشان ماتشيل على عيالي وتنتقم مني فيهم ..
وربي حالتي صعبه وقلبي دايم مقبوض وجاني البي سي اللي فيه التحذير من مدير مكتب العمل واللي يحذر فيه من الرسايل اللي تحرض الاندونيسيات على القتل وصرت اخاف زود .. اخاف ان خدت جوالها تشيل علي واتسبب في عيالي وبعمري وان تركته عندها تجيها هالرسايل وتكفر فينا ..
والمشكله مااقدر اسفرها لاني محتاجتها في البيت ومااقدر اترك الوظيفه لانها مساعدتنا انا وزوجي في مصاريف هالحياه واللي يالله نلحق عليها ..
تكفون انصحوني وقولو لي انتومثلي والا انا بس هذي حالتي .. ووش الحل ..!