يابنات ساعدوني وافقت بالبداية وتوهقت

عندي عمة تحبني من يوم كنت صغيرة وتجيبلي هدايا وملابس بزيادة عن بنات اعمامي الباقين وانا احبها مره من يوم ماتزوجت وهي كل فترة تحمل وتجيب بنت لما تزوجت طلع زوجي مستأجر شقة في عماره بينها وبين عمارة عمتي يمكن ١٠٠ متر وهذا فرحني مره وخصوصا أنه في الرياض ماعرف حد غيرها المهم حملت عمتي وعمرها ماشاء الله ٤٧ سنه وهي في الشهر الثالث عرفت اني حامل بعد 😍 المهم كنت اروح لها مشي واحيانا تجيني وانا في السابع ولدت وجاها بنتها السابعة جاها اكتئاب وكرهت البنت مع انه مالها دخل وهي نفسها يجيها ولد لو تدفع عمرها المهم ولدت الحمد لله وجبت ولد اول ماشافته حبته بزيادة وطايره فيه كانه ولدها المهم بعد شهرين فاجأتني وقالتلي
انتي عارفة قد ايش احبك واحب ولدك وانت عارفة انه نفسي في ولد بس ماكتب الله وعمري الحين كبير يعني احتمال الحمل صعب كيف اجيب ولد وبما اني ارضع بنتي نفسي ارضع ولدك ويصير ولدي
في البداية قلت خليني افكر قالت وقولي لابوه عشان يدري وانا افكر قلت هي بترضعه في بيتي ويصير ولدها وهو ولدي مافيها شيء وعادي ويوم كلمت زوجي تفاجات بموافقته وقال يمكن مايجينا غيره على الاقل يكون عنده اخوات
بالفعل وزوجي في الدوام علمتها وجاتني طايره من الفرح للشقة المهم يوم جاء موعد رضاعة ولدي اعطيتها قربته من صدرها ورفض الولد قالتلي خليه شوي يقرصه الجوع عشان مايرفض وفعلا بكى ٥ دقايق وقربته من صدرها ورضع رضعة مشبعة وبعدها بيومين جات الصباح ونفس الفكرة ورضعته والان رضع منها اربع مرات
امس كنت افكر لما يرضع الرضعة الخامسة ويصير ولدها وش بيصير في العائلة
جدتي ام ابوي ولدي تعتبر له جدة امه بس بعدين ام امه يعني جدته الاصلية
اعمامي كلهم بيصرون اخوال ولدي
عماتي انا بسلم عليهم واقول كيفك ياعمة وولدي يقول كيفك ياخالتي
أبوي بدل مايصير جده بيصير خاله
اخواني بيصيرون يقولون هذا ولد اختي والا ولد عمتي بنات عمتي ذي بيصيرون اخوات ولدي وبيكشف عليهم لو كبروا المصيبة ماهي هنا وبس
زوج عمتي بيعتبر أبوه شرعا وهو عنده اخوات ماهم مننا بس نشوفهم في المناسبات ماحبهم وبيصيرون عمات ولدي
مادري احس الدنيا تلعب فيني وودي اقول لعمتي خلاص مابنكمل بس مادري انا اصلا كيف وافقت