يابنات شوفو شلون تعاملني هالبنت.....

بنات انا متزوجه صارلي سنتين وعندي مشكله صغيرونه حبيت اخذ رايكم فيها زوجي قبل الزواج كان عنده 3 اصحاب وهم متفقين مرررره حتى يوم تزوجو ساعدو بعض وفي الزواج بعد ساعدو بعض يعني اصدقاء وهم تزوجو قبلنا بسنه المهم بعد ماتزوجنا انا وزوجي بدا التغيير عليهم كانو يجتمعون كل اسبوع عند واحد يعني دوريه والحريم معهم عشاء وسمره استمرينا على طريقة الدوريه هذه والحريم 2منهم تمام والثالثه تخيلو ماتكلمني اذا اجتمعنا وهذا تقريبا من اول يوم قابلتها فيه يعني ما كأني موجوده انا حاولت اتقرب منها واعرف شفيها لكن للاسف اسلوبها مثل ما هو وبالتدريج اتغيرو الرجال بعد صار كل ماتجي دوريه عندي يسبون بالاكل بطريقه غير مباشرة وانا احاول اتحاشاهم مع اني يابنات مو مدحا بنفسي انا واعوذ بالله من كلمة انا اني افضل وحدة فيهم بالطباخ وانهم مايصدقون يوم تجي عندي الدوريه لاني اسوي شي مايسونه من قهوة وحلويات وعشاء المهم يابنات قبل شهرين رجال الحرمه اللي قلتلكم انها ماتكلمني زين قاطع زوجي فجأه وكل ماراح زوجي يكلمه مايعطيه وجه ويوم اسأل حرمته تقول والله ما ادري ما توقعت انهم ينفصلون بالنهايه .......انا حاولت في زوجي انه يتفاهم معاه ولولا الله ثم انا والله مارضي زوجي وبالنهايه طلع الموضوع انها شاكيه لزوجها تقول كلم صاحبك خليه يفهم حرمته ماعاد تسب ولدي والله يابنات انا ذهلت يوم قاللي زوجي لان الموضوع هذا تم بغير قصد ولدها حاول يرمي شي على ولدي وانا منعته وماني فاكره حتى اني غلطت عليه ذاك الغلط وهو ابن سنه وعليها وانا اخذت السالفه انه مثل ولدي ممكن اخاصمه اذا سوى شي غلط المشكله يابنات بعد هالموقف اجتمعنا حتى انا شريتلها هديه قلت امكن نتقرب من بعض اكثر وكنت كل ماتعب ولدها كلمتها وهي والله ماعمرها كلمتني حتى بالولاده ماباركتلي بنات شرايكم وش الحل مع هالبنات انفصل عنهم ولا استمر وبنفس الوقت ما ابي زوجي يقول انتي السبب في انفصالنا والله يابنات انهم مايشوفون الا كل معامله طيبه مني بالعكس يوم تجي الدوريه انبسط لاني ما اعرف حد الا هم وابي استانس دلوني يابنات بحل مع ان زوجي يوم قاله صاحبه هالكلام خاصم صاحبه وقال احنا مالنا بكلام الحريم ولا هاوشني ولا ضايقني لانه عارف اني ما اخطيت وعارف اننا من يوم تزوجنا وانا احكيله عن هالبنت وافعالها معي الحين يابنات انا ماقابلتها وامكن يصير عندها عشا الاسبوع الجاي وش تنصحوني فيه معليش طولت عليكم بس والله محتااااااااااااااارة كيف اتصرف.