يابنات شوووووفو هالطريقه الحلوه و السهله والسريعه لازاله النقط السوده بالرجل والزنود

مســــــــــــاء الخير يا بنات ....

مابطول عليكم وبعطيكم السالفه من الاخير

ذاك اليوم قاعده على احد المنتديات وقريت وصفه لوحده من الخوات جزاها الله خير والله يوفقها ويسعدها وانه جربتها شخصيا وحصلت نتيجه من اول مره و كانت كاتبه عن علاج لمشكله النقط السوده الي تصير بالرجل واليد والزنود تعرفون منظرهم وييييييع قبيح ..... و الي كانت تشتكي من المشكله كانت تقول انها تشيل بالشيره ...... قالت لها الاخت لا تشيلين بالشيره .....
حطي اي مقشر عندج بالبيت على ايدج او رجلج يعني المكان الي راح تشيلينه وبعدين وقشري وقشري وقشري يعني فركي المنطقه بس مو حيييييل ترا حاسبو وبعدين هاتي الموس وشيلي وراح تشوفين شلون الشعر ينشال بسرعه وخفه وبعدين غسلي المنطقه بمكان بـــارد ولما تطلعين خلي عليها زيت لوز ........ طبعا طريقه ولاااا اسهل
اختكم في الله الي هي انه ما في شي ما جربته جربت الحلاوه وجربت فيت وجربت براون ( الاله ) ولا شي فاد معاي بل زادت النقط الي عندي
رحت وحطيت مقشر وكان مقشري من ماركه كلينك الي من دبنهامز وصراحه يابنات هذا افظع واحلى مقشر شفته بحياتي والله يبرد القلب ولا تخافون مو بس هالمقشر يصلح حتى مقشر المشمش يفيد وجربت بعد مقشر لوريال الاخضر يعني اي مقشر يفي بالغرض
بعدين شلت المنطقه وغسلها حسيت بنعومه مو طبيعيه وحطيت زيت لوز طبعا اول مره اختفت النقط يمكن بنسبه 10 % وجربتها مره ثانيه اختفت النقط بنسبه 30% واليوم جربتها شفت النقط اختفت بنسبه 70% يعني خلال شهر ونص تقريبا وان شاء الله بداوم عليها لين تصير النتيجه 100%...
يابنات حتى زوجي لاحظ مو بس انه ولما خليت بنت اختي تشوف يدي استغربت وقالت ان النقط وايد خفت غير رجلي الحمدلله احسها وايد خفت وبنات خواتي كلهم لاحظو
والله يابنات النتيجه تبين من اول مره وانه من الفرحه كنت بكتب لكم بس قلت خلني اكمل واشوف شنو اخرتها والحمدلله هاي مشكله وان شاء الله بتنحل وباقي المشاكل الثانيه يارب ينحلون بالطريج


يابنات كل وحده تقرا موضوعي تدعي لي اقضي على المشكله الاعظم عندي وهي سواد المنطقه الي خبركم لاني جبدي طقت وانه اجرب كل شي ووعد مني اني اول ما احل هالمشكله انزل موضوع اقولكم لان ماحب اكتم علم اعرفه عن احد

يالله هالله هالله بالردود السنعه لا تطنشوني والي ماعندها رد تدعي لي