يابنات صار اللي خايفه منه

السلام عليكم ورحمة الله وبركاته
اللي حصل يا اخواتي
زوجي بيسافر تركيا على كلامه المدة 5 ايام
بس ماوراني تذاكر ولا شي يدل انه بيسافر الذاك المكان
واذا قلتله ورني قال مايحتاج وش يهمك خلاص
انا قلتلك تركيا صدقيني
ماله داعي اوريك تذاكر ولا مافيه ثقه
يعني بختصار مدري وين بيطس له
المشكله وضعه ماش مدلعني اخر دلع تعرفون عشان يسافر ووضعه
اوكي بدون مشاكل
وكل يوم يعشيني بالمطعم وقبل مايوديني الا بالترجي
المهم مره شفته حاط حبوب سنافي حبوب مقوية قبل امس هذا الكلام
حاطها في بوكه وشفتها بالصدفه قلت وش تبي فيها قال برجعها للصيدليه
ومشيتها لانه باقي على سفرته يومين او تقدرون تقولون حسسته بالامان
جا يوم سفر بيسافر اليوم العصر ورتب اغراضه قبل يروح دوامه قبل شوي وسويت نفسي نايمه
بعد ماقفل الشنطه وطلع دوامه
فتحت الشنطه بفتشها ولاقي الطامه الكبرا لقيت حبوب سنافي المقويه وحاطها في علبة فيتامينات
بس علينا يابوي اعرف شكلها زين زين
المهم خرجت الحبوب ورميتها بالتواليت وحطيت مكانها حلاو ام دمز
وكتبت رساله صغيره حسبي الله ونعم الوكيل ولفيتها وحطيتها جوات العلبه
وسكرت الشنطه وقلت خله يروح ويستانس عادي بس اذا فتح العلبه خل يتخبل من الخرعه وينجن
بعدين جتني غلقه وضيقه وقمت ابكي قلت ليش ما اواجهه واقوله شفت كذا وكذا وياانا ولا سفرتك المشؤومه بس زوجي كلب ومراوغ ونصاب وش بيقولي بيقولي جبتها الخويي اللي معي انا مالي دخل
ولا بيجلس يحلف كذب انها فيتامين وبيقولي انتي شكاكه وموسوسه ومريضه وبيطلع يكمل رحلة الاستجمام
ياناس انا مدري وش يخبص هو متزوج ولا يزني رغم انه محافظ جدا جدا على صلاته تعبت من خياناته اولها مكالمات مع بنات واخرها تورط مع بنت من جنسيه عربيه تدق عليه تهدده
ودقت على اخوه بعد لان جوال اخوه بأسم زوجي وخاف وجا قالي اذا دقت عليك لاتصدقينها
تراها نصابه وهي تعرف صديقي وتبغاني اعطيها رقم صديقي بس هو مل منها ومايبيها
وغير رقمه ولان رقم صديقي الاول بأسمي وحطه بأسمي لاني موظف اس تي سي ويطلعلي خصم 50 بالمية شفتو كيف التأليف عشان مادقق بالاسأله كيف يلف ويدور
مع انه صديقه هذا فعلا راعي خرابيط بس سالفة اللي تدق عليه مالها دخل بصديقه المهم مو هنا السالفه بس بوصلكم انه. كم مره امسك عليه شي
وتركت البيت وخبرت اهله بالسالفه كلها وانه فيه حرمه تلاحقه وكلموه وأدبوه
وترك عنه الخرابيط فتره والحين رجع الخرابيطه
واخرها قبل شوي فتشت الشنطه ولقيت حاط شيشته هذي نمشيها بس ليش منقلها معه بس الافجع الحبوب هي اللي تخوف الله يستر علينا يارب
وش اسوي اواجهه قبل شوي كلمته بالجوال وقلت انت ماش سفرتك هذي ماريحتني
قالي وش قصدك اقول بلى وسواس روحي نامي بس وسكر بوجهي
اواجهه ولا كيف حياتي جدا مريحه معه وطيب معي ومايقصر بس الخيانات اتعبتني الف ودوران
جواله يا اخواتي صارلي سنتين ماقربت صوبه ولا شفته وحاط رمز دخول وش طوله واذا ناقشت ليش كذا يقولي انا عمري فتشت بحوالك ولا قربت صوبه اقوله خذ جوالي فتشه بس عطني حقك يقولي لا الجوال شي خاص فيك وماحب افتشه وانتي قدري وسوي نفس الشي

تعبت معه وش اسوي ياناس