يابنات صار لي موقف محرج وابغى اعتذر ولاترد علي وش اسوي

تصدقون يابنات قبل اسبوع صار لي موقف محرج رحت لصديقتي نوف قبل اسبوع ابارك لها بالفلة الجديدة واخذت ولدي معاي المهم حاطته في سريره الصغير نايم وصديقتي عندها ولد اصغر من ولدي بشهرين وحاطته في سرير صغير جنب سرير ولدي ونسولف بعد ساعة رضعت ولدي وحنا نسولف ونومته بعدها بدقايق الا وزوجها يصارخ يبغاها تروح معاه مشوار وفي نفس الوقت ولدها يصارخ يبغى رضعه قالت بالله عليك رضعي الولد لين مااجي نص ساعة بالكثير وارجع لاتنسين وراحت تجري المشكلة انها ماعطتني رضاعته جيت ادور عليها وسالت شغالتها قالت شنطة بيبي في غرفة ماما جيت افتح الغرفة ابغى الشنطة لقيتها مقفلة والولد يصارخ وحمر وجهه خفت عليه لايصير له شيء وانا ماعندي رضاعته وطلعت صدري وقربته منه ورضع المهم قبل لايترك الولد صدري بشوي الا وهي داخله وشافته وهو فك فمه والحليب ينقط من صدري على وجهه صاحت وقالت وش تسوين قلت انت تبغيني ارضع الولد وشنطته في غرفتك وهي مقفله قالت الشنطة ورا الكنبة اللي جالسة عليها اثاريني منتبهت قلت اسفه بس خفت على الولد اخذت ولدها وراحت لغرفتها وقفلت عليها جلست عشر دقايق وحسيتها طرده واخذت اغراضي وطلبت اوبر ورجعت للبيت بعدها اتصلت عليها خمس مرات ابغى اعتذر منها بس ماترد وسوت لي حظر في الواتس اب وش يدريني انه الشنطة ورا الكنبة