يابنات صديقتي تبي مشورتكم تكفوون لاتردونها..

السلام عليكم


يابنات صديقتي تسلم عليكم مررره وطلبت مني أنزل هالمووضوع لأنها مره محتاره وسألتني وللأسف ماقدرت أفيدها بس قلت لها ماتهتم خواتنا بعالم حواء مايقصرون


المهم قصتها بدت بعد أول أجهاض لها جاها نزيف حاد وعملو لها عملية تنظيف بعد مانزل البيبي وبعدماطلعت من المستشفى لاحظت خويتي انها تبهدلت مرره مانزل منها دم النفاس غير يومين وبعدها صارت تتخربط الدوره وقلت ايامهاا.

عمومآ هي بدت علاجها بعلاج هرمون الحليب وضبط الهرمون وقالت ممكن يكون هو السبب في تاخير الحمل وراحت تتابع التبويض وطلع حجم البويضه عندها 16 ولاصارحمل واخذت كولميد الشهر الي بعده ووصلت البويضه الى 19 وقالت لها الدكتوره انه مره كويس واتوقعت يحصل حمل وولا حصل وبطانة الرحم عندها ضعيفه حجمها 8 تقريبآ ولا تدري وش السبب هل من عملية التنظيف او من ايش ماتدري

عمومآ والشهر هذأخذت كلوميد من خامس يوم بدورة وقالت لها الدكتورة تراجعها في يوم 13 من اول يوم للدورة وراحت اليوم وحجم البويضه طلع 15 و14 الدكتورره مره أستغربت وعطتها أبرتين عشان تكبر حجم البويضه أخذت وحده اليوم وبكرا الثانية,,,

يابنات هل ممكن تكبر البويضه بعد الأبرتين اولا تبي تعرف هالشيء ..وهل في أحد مثل حالتها وكبرت البويضه بعد الأبر وحصل حمل!!
يابنات هي محتاره مره من ضعف التبوويض الي عندها كانت اوضاعها كلها تمام بس بعد الأجهاض حصلت لها كل هالأمور واللحين صار لها سنه من مستشفى لمستشفى تبي تعرف وش فيها وولاتوصلت لشيء
وقالت لها الدكتورة الشهر هذا لوماحصل حمل راح تعمل لها أشعة صبغه وهي ميته خووف من هالأشعه وخايفه من الألم ومتردده تسويها وبنسبة للكلوميديابنات هل يزيد الوزن بشكل كبيرأولا؟؟

علمآيابنات أن زوجها حلل السائل المنوي وكل أموره تمام أنا سبق وحطيت موضوع بخصوص هالشيء,,



يابنات اي وحده مرت بتجربه مثل خويتي الله يعطيها الف عافية ممكن تتكلم عنها من ناحية تأخر الحمل بعد الأجهاض وش كانت الأسباب وألي عندها اي معلومه الله يخليكم لاتبخلو عليها وتقول لكم الله يعطيكم الف عافية ويجزاكم الف خير مقدمآ

الله يرزقها ويرزقكم مايقرعينكم وبيلغكم شوفة ضناكم :26: