يابنات عندي مشكله ارجووووووووكم ساعدوني

بختصار زوجي مدرس وحب يزيد من الدخل فشترى لموزين طبعا غصبا عني
المشكله من ثلاثه اسابيع الساعه الواحده ليلا شاف وحده عند السوق هي وبنتها عمر البنت
ثمان سنوات ركبها على اساس انه يوصلها الاخت قامت تسولف معه وقالت الاخ سعودي
قال نعم قالت والله اني احب اركب مع السعودي ورتاح معه وافضل ان فلوسي عنده ولا عند
الهنود يكت زوجي شوي ولا تساله موظف قال نعم مدرس
سكت شوي ولا تساله وتقول والله اني ارتحت مدري اذا انت تطلع مشاوير خاصه ولا لا
قالها كيف
قالت يعني لو بغيت اروح للسوق او للاعراس او المنتزهات ودقيت عليك تجي توصلنا
وعادي لو جيت بسيارتك الخاصه انت عندك سياره ثانيه قالها ايه
وقالت وبعطيك ستين او سبعين على المشوار الواحد
طبعا زوجي ماصدق وطلبت جواله وعطاه الرقم
لا وحاط لها نغمه خاصه عشان اذا دقت يرد عليه
بنات انا خايفه وحاسه ان المرءه هذي عنده هدف وناويه على شي
وماهو قصدها شريف وحاسه انها بتسحب زوجي شوى شوي لمن تصير بينهم الميانه مع السوالف
لا وتقول انها موظفه عمره تقريبا خمسه وثلاثين
بتقولون وشلون عرفتي زوجي طيب وعلى نياته وهو الي قالي فرحان برزق الي جاه
وماهو عارف شي عن كيد الحريم ساعدوني
اتصل عليها واقول لها ابعدي عن زوجي اخاف تكلمه وتسبب لي مشكله
بتقولون تفاهمي مع زوجك بقولكم عنيد وراسه يابس وبيقول لي انت غيور وشكاكه
ساعدوني باسرع وقت ممكن