يابنات قسم التنظيف اللي يستخدمون انواع المنظفات انتم مثلي ؟؟؟؟؟!!

السلام عليكم

بنات القسم اولا حابه اشكركم شكر جزيل جزيل كل افكارك استفدت منها وحاولت اني افيد اللي اعرفهم

فعلا افكار حلوه ومفيده وعمليه

الله يوفقكم كلكم سواء اللي تكتب موضوع او اللي ترد وتعطينا من افكارها وخبراتها

فيه شي صار لي هالاسبوع


طبعا انا ولله الحمد مافيني ربو ولا التهابات في الصدر ولله الحمد

بس لاحظت هالايام ان فيه كتمه صارت تجيني ومثل الحشرجه في اول القصبه الهوائيه يعني عند الرقبه

واليوم عاد سويت بخور يقالي سنعه ببخر ملابس زوجي بعد الغسيل :06:

وحسيت مثل الالم في الصدر على جهة اليمين <<<< متحمسه مع الوصف لانو مخوفني الموضوع


ماادري من ايش ؟؟ انا جا ببالي انه من المنظفات وروائحها خاصه اني استخدم العملاق وملطف الملابس وصابون بونكس والبخور واحط في المكنسه الكهربائيه شوية داوني لزوم الريحه والتعطير :crap:

خاصه ان شقتنا صغيره ومكتومه ونفتح لنا شباك عشان التهويه لغرفة العيال وذا الايام ريحة الديزل من مغسلة الملابس اللي تحت العماره تدخل علينا <<< كملت السالفه :08:

تكفون ساعدوني الله يوفقكم ويخلي لكم كل غالي يارب ولايوريكم مكروه


وش الحل ووش تسوون انتم تتكمكمون ولا كيف ؟؟


انتم تجيكم نفس الحاله هذي واللي تجيها وش تسوي في هالحاله ؟؟

الشي الثاني والمهم هل هذي اعراض ربو ولا التهابات في التنفس ؟؟

بانتظاركم