يابنات قولولي شلون اتصرف الله يجزاكم خير

السلام عليكم
بخش سيدا بالموضوع لاني مقهووووووووووووووره عالاخر :angry2:
حسبي الله عليه من رجل
ياناس انا زوجي اليوم غايب عن الدوام وانا كنت صاحيه من 11 الظهر وهو صحى الساعه 2 الظهر مبسوط ونشيط ونفسيته تمام التمام
المهم انا انبسطت يعني حلو انه رايق
المهم قلت وش تبي الغدا (لانه ماشتهي ياكل اول مايصحى)قلت لما يقوم اشوف وش مشتهي واطبخ له على بال مايشتهي الاكل ..
المهم مالكم بالطويله قام وسالته قام ورز وجهه وقال انا بطبخ قلت لا ارتاح انا بطبخ قال انا مشتهي اطبخ(ومايخفيكم الرجال لادخل المطبخ)
المهم توه قطع البصل والاغراض وانا كنت احوس وانظف وارتب وعافسه البيت انظف والغساله تشتغل على الملابس ..فجاه قالي بعزم خالتي وبخلي طبختي عشاء(خالته هذي ماعمري شفتها من تزوجته واول مره بتجيني ببيتي)يعني شرايكم وبيتي معفوس وحوسه وشكلي حوسه والغساله تشتغل وبروح اعزم اجنبيه!!!حتى ماصلحت شي ولا راح يمديني اصلح شي!!!
المهم قلت من جدك انت؟
قال ايه صادق قلت له لا خله يوم نكون متواسين ورايقين ومرتبه اموري ومتهايئه لجيتها اول مره اشوف الحرمه
قال البيت بيتي وانا حرررررر اعزم فيه اللي ابي
قلت براحتك الله يحييها ابشر (طبعا انا قلتها وانا مقهوره واكيد فاهمني وواضح علي القهر)والله كنت اضن انه يمزح والله !!!فجاه دق وسلم وجلس يعزم ويلزم عليها ووووووووووووووالخ
وانا:angry2::angry2::angry2::angry2::angry2:شبيت ضو في نفسي وماوضحت له بس احمد ربي اعتذرت..وقفل الخط ورجع وجلس عند التلفزيون وخلا كل شي على حاله (البصل عالنار والسمك بادي يتبله وكل شي مفتوح بالمطبخ )وجيت لقيته جالس والاغراض كذا
قلت فلان ..بتجي خالتك؟قال لا تطمني ...انا طارت عيوني قلت بنفسي وش جاه ذا قلب وجهه
المهم قلت وش فيك منت مكمل الغداء؟
قال شرايك بعد اوكلك والله تماديتي انتي !!!
روحي صلحيه انتي قلت خير وش جاك قال مافيني شي جاني دوخه فجاه وراسي يدور قلت طيب ورحت ودخت المطبخ وانا اصلح في الغدا جا وقال لاتحسبين حسابي انا مابيه !!!قلت اجل اطبخ لنفسي؟؟
قال مابييييييييييييييييييه (وهو يصارخ)
واترك كل شي واروح له بالغرفه قلت ابو فلان وش فيك؟ وش جاك وش قلب مزاجك فجاه؟توك وش زينك؟
قال مافيني شي بس فكيني منك ومن حنتك وانا بخير:(والله هانني بكلام مثل(انتي حقنه+انتي ماتحترميني )وانا والله ثم والله مايناديني الا اقول سم وابشر و*****الله
ورحت وجبت له حبة مسكن ومويه رغم انه تلفظ علي وقلت له خذ بسم الله عليك خلها تخفف الصداع ..قال مابي اقلعيه عني قلت بجي اسوي لراسك مساج ونم قال اعلمك وش علاجي؟ قلت ايه وشو واجيبه قال تطلعين وتصكين الباب هذا علاجي!!!!!!!!!!!!!!!!!
يابنات والله للحين متفاجئه للحين مدري وش جاه للحين مدري وش قلبه علي للحين مدري وش قلب نفسيته ورجع ونام جعلها نومة جدي :angry2:والله مقهوووووووووووره قهر والله مايعلم به الا ربي
والمشكله اتناقش معه واقول وش ججاك فجاه قال اطلعي وخليني ثمن يتافف ويقول والله حقنه حقنه ذي قلت وش قلت؟قال حقننه!!قلت وتعيدها قال ايه حقنه حقنه بس اطلعي
طلعت وقفلت الباب وجيت اشكي لكم اخواتي قولولي لاقام وشلون اتصرف وش التصرف الحكييييييييم اللي يخليه يتحسف على فعلته باهانتي تكفون بسرعه تكفووووووووون