يابنات كل من استخدمت وصفة من بنات حوا . . . تدخل

في البداية خلوني احكي لكم حكايتي :


انا ام لطفلة عمرها سنة واربعة شهور ( الله يحفظها يارب ) المهم بعد ولادتي كنت اهتم بنفسي لكن بالمستحضرات الصناعية مثل مجموعة سانت كلارا لكن النتايج كانت بسيطة جدا يادوب تنظف البشرة ولما استخدم وصفات من عند صديقاتي ماتعطيني نتيجة مثلهم،
وفي يوم من الايام ياحبايبي ياحلوين شفت زوجي عنده منتديات وحركات وشغلات المهم قلت لازم يكون لي منتدى اشغل فيه وقتي لحد مالقيت هذا المنتدى الرائع وسبحان الله ارتحت له وصرت اتابعه لكن بدون مشاركة وصرت استخدم الوصفات الممتازة اللي يطرحونها الاخوات والله ثم والله ثم والله اني اتغيرت بنسبة 90% سواء بشرة او جسم لانه كان عندي مشاكل في الركب والمؤخرة واختلاف اللون والوجة والابط والفضل يعود لله ثم للاخوات في هذا المنتدى صرت حلوة مره وكل الناس لاحظو عليه اخواتي، جاراتي ، اقاربي ، زوجي طبعا ، وحتى اهل زوجي اللي مايعجبهم العجب ولا الصيام في رجب وما صرت اعتمد على المكياج كثير من حلاتي والبس القصير والعريان وانا واثقة من نفسي (وحتى لعلاقتي الزوجية لقيت نصائح ثمينة ووصفات خلتني بنت بنوت . . . احم احم ) والله اني ماابالغ وكمان ازيدكم من الشعر بيت اخذت وصفات اكلات روعة وسهلة وبعد كذا قات لازم انضم لهذا المنتدى وسويت لى إيميل ودخلت دورة كمبيوتر عشان اتعلم اكتب واشارك
وبــــــــعـــــــــــد هــــــــــــذا الـــــــــــــــــكـــــــــــــــــلام الــطـــــــــــــويــــــــــل الـــعريـــــــــــــــــــــــــض صراحة حابة اتوجه بالشكر الجزيل والدعاء لكل من ساعدني وافادتني وماحب اذكر اسماء عشان مااحد يزعل مني
واتمنى من جميع الاخوات ان يقفو معي هنا وقفة شكر لكل من مدت لنا يد العون وساعدت في استعادة ثقتنا بانفسنا واسترجاع جمالنا واجسامنا الجميلة وبشرتنا الصافية الفاتحة الناعمة وكل من افادت بنصائحها من عضوات او مشاركات والدعاء لهن ان يستجيب الله دعواتهن ويحقق آمالهن ويمتعهن بالصحة والعافية والسعادة والرضا في الدنيا والآخرة آآآآمــــيــن يارب العالمين
وادعو لي ان ربي يوفقني ويساعدني في دورة الكمبيوتر