ايه اعتقد تقصدين ثلاجة النخبه ؟
جودتهم مب مره تصلح للمجمدات الفواكه المجمده للعصاير
بس دجاج ورز والاساسيات ماتقارن جودتها بجودة الماركت
بس فيه بعض الناس يحبونها
انا كنت احسب محل معين يوفر المنتجات الكويسه بسعر ارخص 😢

بالنسبه لي انا من 800 إلى1200 انا وزوجي وبنتي و ولدي طبعا صغار أقل من 3 سنوات بس بعض الأحيان تكفينا شهرين بذات إذا رحنا عند اهل زوجينهاية الأسبوع نقعد يومين ونرجع
طبعا من غير اكل للعيال كيك وعصيرات وشبسات شوكولاته لنا ولهم
والحمدلله حتى يرضى

انا اخذ 2000 لليهال مصروف الاكل والشرب واغراض المدراس انا وعيالي 4 والحمدلله تكفي.. اذا احتجت شيء اروح للجمعيه واخذ الاشياء المهمه

طبعا انا عائله صغيره انا وزوجي وولد زوجي ولد زوجي واخت زوجي يومياً يأخذ عشره ريال مصروف الاكل اطبخ مره او مرتين في الاسبوع وش صرت اسوي يوم صارت الخضار تخرب عندي وانا مااخذ الا بالكيلو اشتري الخضار واقطعها او اشوف وممكن أسويها وافرزنها مره ارتحت والرز أخذ عشره كيلو تجلس عندي كثير وبعد السكر والدجاج ست حبات ومالنا مصروف معين بس تقريبا ألفين نجي للبساكيت والشكولاتات أحب أخذ من محلات الحلويات ماتتعدى الثلاث ميه او بعد اقل وأروح اكثر شي للعوبثاني فيها اكياس كبيره شبس فيها شكولاته فيها كيك فيها بسكوت المنظفات والبلاستيكات من الصناعات السعوديه حسب بس أكيد مو غاليه كل كم شهر فيها سفره شده تجي درزن وكرتونية اكياس زبايل كبيره نجي للرمي اصلح قدنا ولو زاد نأكله من بكره ماعندي اكل ينرمي الحمد الله صابون كيس كبير علبه كبيره كلوركس

احنا عائلة صغيرة كنت بالاول أشتري من هيبربندة وكانت الأغراض تطلع بألف و500 وبعدين صرت أخذ من العثيم وتطلع بحدود 1000 بعدين صرت أخذ من المتاجر السعودية تطلع اغراضي اذا مررره كثيرة ب500 وانا انقضى بالشهر إلا ناقص أكتبه ونهاية الشهر آخذة الخضار أخصص لها 200 والدجاج 100 ومع كل نهاية شهر أخذ شي بالكرتون من الشي إلا تستهلكه عائلتي ومايخرب بسرعه مثلا شهر كرتون فاين الشهر الثاني كرتون تونة والحمدلله واحب انوع واتفنن بالأكل. ..يعني صرفيتي بالشهر تقريبا 800 ريال ...يختلف الوضع لو جونا ضيوف بيجلسوا عندنا فترة
من الأشياء إلا فرقت معي بالسعر
*اقارن بين الشركات بالسعر وأخذ الأقل مادام الجودة نفسها مثلا منتجات المراعي استبدلها بنادك أو السعودية.. ومواد التنظيف بالاغلب أخذ أقل شركه بالسعر لأن مواد التنظيف ما تفرق كثير الجودة من شركه لشركة ..
*اشوف كم بيفرق السعر لو أخذت مجموعه لأنه أغلب المتاجر مثلا لو اخذتي 6 علب يخصم من السعر. .
*من أجل صحتي بالنادر أخذ الخضارالمعلبة مثل البازلاه او فاصوليا أو بقوليات معلب أحب اخذها جافه واطبخها واوزعها بكياس وعلى الفريز أفضل من المعلب وكمان توفير. .
*البسككوتات والشبس والحلويات ما أفضل استهلاكها بكثرة فأخذ من المحلات إلا تبيع بالجملة كراتين من الأنواع إلا نفضلها تكفينا شهرين ثلاثه اربعه ..
*عودت بنتي على الأكل الصحي البيتي فصارت تأكل معي أي شي اطبخه وما تفضل كثير الخرابيط إلا بالعادة الأطفال يحبوها.
*والصدقة بشكل شهري تبارك بالمال.


أتمنى أكون افدتكم ...