هلا عزيزتي

نصيحه لي عصب زوجك لاسمح الله اسكتي ونزلي راسك ولاتردين لو هو الغلطان هم يموتون بكذا
ولاتسوين نفسك متكبره وتقوين كلمتك عليه ترى بتندمين
<<<<<<<< من واقع تجربه وعن اللي اسمع
الله يسخركم لبعض قولي امين

تقبلي تحياتي وقبلاتي اختك
آلاء

الله على هالردود اللي تفتح النفس ..

ان شاءالله كل زوجة تمر بنفس مشكلتك تستوعب هالحل وتعمل فيه.,,.

الله لايحرمكم اجر النصيحه..

بصراحه اعجبتني ردودكم وخاصه الغلا كله,,

واسفه اختي ع المداخله.. الله يخلي لك زوجك ويسعدكم دووم..

أنا احس أن تحمل كل وحده يكون على حسب الموضوع اللي عصب الزوج فيه اشياء تكون تافهه
ولاتتحمل النقاش فالافضل السكوت واشياء تحتاج للنقاش
بالنسبه لي زوجي عصبي في كل الاحوال حتى لما اطيح يعصب علي يقول انتي ماتشوفين
ولو كل وحده تذكر لنا موقف حصل لها وكيف كانت ردة فعل زوجها

شوفي ياحبيبتي انافي السابق كنت عصبية قبل زواجي واطرطع بسرعة واهاوش وارفع صوتي ...لكن لما تزوجت لقيت زوجي مو بس عصبي الا نار الله الموقدة اي كلمه تنرفزة اي شي يرفع ضغطه وممكن يكسر الدنيا لو عصب .. ففكرت مع نفسي اني اغير من شخصيتي عشان اتأقلم معه .. لان هذي حياة وموب لعب.. ومدامه رجل مستقيم الحمد لله كل شي يهون..المهم كنت لما يعصب اقعد اتكلم معه واقوله عن السبب ويعصب زيادة ويقول انتي تراديني وتبررين خطأك وانا اقول انا قاعده اشرح لك السبب..المهم يقعد يسبسب ونتزاعل كم يوم ...لكن بالتدريج فهمت له وصرت انطم اذا عصب ..وبعده بكم ساعه او يوم اذا هدا تكلمت له عن اللي بخاطري وتصالحنا الحمد لله او اعتذر له اذا كنت غلطانه ..لكن اذا اعتذرت له في وقت تعصيبته مايرضى .. وتكبر المصيبة ..

انا حال مايعصب من دون احم ولادستوراجي اضمه وينسىكل شي لان نقطة ضعف الرجل الظم يحبك وينسى الزعل