http://www.forum.hawaaworld.com/showpost.php?p=39979619&postcount=6
من زمان ودي اشاركم بهالقسم اللي استفدت منة كثير الله يجزاكم خير ان شاء الله
اليوم راح اعمل لكم سويسرول الشورما وبما اني دايم امر على هالقسم بس ماشفت احد سواها ... اخذت طريقتها من وحدة جارتنا قلت افيد فيها خواتي بنات عالم حواء واتمنى انكم ماتنسوني من دعواتكم ..
بالبداية اذكروا الله وقولوا ماشاء الله
المقادير
حشوة الشورما اللي انتي تحبينها
بيض
بقسماط
جبنة سايلة انا استخدمت المراعي
مايونيز
خبز لبناني
اعواد اسنان
زيت للقلي
طبعا الكمية على حسب افراد عايلتك
الطريقة
في البداية تعملي حشوة الشورما بالطريقة اللي انتي تحبينها
انا هنا سلقت صدور الدجاج وقطعتها بعديت حمست بصل وثوم وجزر مبشور واضفت لة فلفل وبزار كاري وملح وكركم واضفت اللحم وبعدها اضفت لة ملعقتين جبنة سايلة وملعقة مايونيز وهاذي صورتها
بعدين نجيب قالبين واحد نحط فية البيض وشوية فلفل والثاني نحط فية البقسماط والخبز اللبناني ولازم يكون حار مو بارد علشان مايتكسر ويفضل تجيبية قبل لاتبدين بساعات لانة اذ برد او كان بالفريز يتكسر معك طبعا وهاذي صورتهم
ومن هنا نبداء يابنات الخطوات
اولا ناخذ الخبز وندهنة بشوية من جبن الكاسات وشوية من المايونيز بس لاتكثرون
ثانيا /نجيب الحشوة ونحطة بالخبز ونلف الخبز ونبقي نهاية طرف الخبز ونغمسة نهاية الخبزة بالبيض حتى يلتصق بعدين نغمس الخبزة كلها وبعدين نحطها بالبقسماط بعدين نجيب عود من اعواد الاسنان ونثبت الخبزة من الوسط وهاذي الصور علشان تكون الخطوات واضحة
وبعد ماتخلصين من كل هالخطوات وتسوين الكمية اللي تكفيك تحطينة بالفريزر نصف ساعة علشان يتماسك ولا يتفكك بالزيت
وبعدة نكون مجهزين الزيت
نشيل اعواد الاسنان لانة يكون ثابت
نحط الزيت على النار ويكون كمية الزيت وسط وتكون درجة الحرارة عالية لانة بس نبغاة يصير ذهبي ولازم تكوني قريبة عندة لانة مايحتاج وقت وتقلبينة بسرعة على الجهة الثانية
رجاء بنات لاحد يرد علشان اكمل الموضوع
