يابنات لحقوني جبت العيد في حملي وانا مادري

السلام عليكم ورحمة الله
كيفكم يا حبيباتي من جد هذا المنتدى من أفضل وأحب المنتديات عندي وابي أسألكم يا بنات كانت اخر دوره لي 19/12 هجري
المهم استخدمت من ثاني يوم حبوب كلوميد من راسي😫كان نفسي اجيب توأم المهم انتظرت الين الدوره الجايه لاني كنت ابي احلل للحمل ولكن الصدمة ماني حامل رحت للمستشفى شافتني الدكتوره قالت عندك تكيسات والمبايض عندك ضعيفه ومع ذالك طلعت من عندها اسوي تحليل الحمل عن طريق الدم طلعت سلبيه لا يوجد حمل فقلت الحمدلله يمكن ربي ما أراد احمل هالشهر انتظرت للشهر اللي بعده ما نزلت علي الدوره سويت تحليل منزلي طلعت النتيجة سلبيه فقلت اكيد بسبب التكيسات ما نزلت الدوره لان حبوب كلوميد تسبب تكيسات غلطتي😔
المهم يا حبيباتي مرت الأيام وجلست اقرأ في منتديات حواء يمدحون الحجامة انها تنزل الدوره وتنظم الهرمونات فرحت قبلها لدكتوره نساء وقلت لها ابي انزل الدوره سألتني انتي حامل قلت لا المووووهم صرفت حبوب استخدمها لمدة خمس أيام ثلاث مرات باليوم وبعدها بيومين قالت بتنزل الدوره ومااااااا نزلت😰
وكنت احس ببروده بجسمي وتعب واكتئاب وضيقه وبس ابكي من النفسيه وكنت أقول في نفسي يمكن عشان الدوره محتبسه فرحت وسويت حجامه في المستوصف والدكتوره سوت حجامه كامله وحجامه جافه على بطني 😰😰
وبعد أسبوعين زاد التعب فقلت لازم اروح لدكتوره ثانيه ولما رحت لها قصيت عليها اللي صار معي
المصيبه مو هنا المصيبه إني كنت استخدم ابر التنحيف سكسندا لي عليها أسبوعين 😰🤭
الزبده طولت عليكم🥺🥺
لما رحت للدكتوره قالت قومي اسوي لك سونار ولما انبطحت عالسرير😛وبدت بالسوناااااااااار
يا بنااااااااات يمممممممه صوت نبض جنين😱😱😱
انا انهبلت كيف حملت بدون دوره ولها تقريباً3 شهور ما نزلت علي
خفت ان الطفل تشوه من اللي سويته فيه 😭😭
استغربت الدكتوره تقول انتي حامل في 6 أسابيع
قلت يا دكتوره اخاف انه تشوه من اللي سويته قالت توكلي على الله فقلت الحمدلله بس ما اخفيكم إني انهرت عندها ابكي خايفه عالجنين
قلت لكم قصتي كامله يا حبيباتي فسؤالي لكم من اللي صار لها كذا
وهل يؤثر عالجنين اللي سويته سولفوا لي حتى لو ترفعون الموضوع الله يسعدكم 🥺🥺