يابنات للحين محتااااااااااره لعلكم تعرفون وشو اللي مزعله الله يهديه او ياخذه

السلام عليكم
بنات انا ساكنه بيت جديد طبعا اجار وصبغت فيه وسرمكنا وماقصر ابو الشباب سرمك لي وصبغ
وخلصنا جينا لغرفة النوم قلت لاتسرمكها قال حتى انا كنت بقولك مانبي نسرمكها الفرشه احسن
قلت خير ****لله الراي رايك والشور شورك وانا اايدك بالفرشه
المهم صبغو العمال وسرمكو وخلصو ورحت انا واختي ونضفت بيتي وكل شي
امس دق علي العصر قال يالله تعالي نروح نختار فرشه
قلت زين ورحنا وانا كنت ابي مكرونه وهو عارف وش ابي وعارف القيمه وعارف انها غاليه
المهم رحت واخترت اللون واتفقنا انا وهو ناخذها
يوم حسبنا مقاس الغرفه وكم يبيله من الفرشه قال العامل 800 يعني عادي مبلغ عادي هو معودني يفرش باغلى ومره شرالي فرشه صغيره مره يعني مقاسها 2*3 والله ب1200واشترى من ايكيا قطعه سجاد عادي مكرونه جلد من ايكيا صغيره مره ب600 فليش هذي بتفرش غرفه كامله وب800 بغى يشق بالارض والسما
المهم قال للعامل اخر كلام قال 750 قال خالها لك
وطلع وانا لحقته ولا كلمه قلت ساااااااااااكته
المهم ركبنا السياره وقلت فلان وش بلاك هذي قيمتها وانت عارف قال انا مجنون افرش فرشه نمشي عليها ب800!!!
قلت هماك شاري قطع سجاد عادي فوق الالف وعلى 600
هذي اكبر وبتفرش غرفة كامله والا وش بلاك
قال انا حر استري اللي ابي واخلي اللي مابي
قلت فلان الله يخليك خاطري فيها قال انتي مجنونه نشتريها ب800!!! والله يبنات يشتري اغلى ودايم مايشتري الا الزين والغالي الرخيص مايشتريه
المهم سكت انا ولاعاد تكلمت وقام هو يتكلم يقول انتي ماتقدرين ولالالالا....الخ
مع العلم نص ذهبي بايعته عشان اساعده بس رجال مايبين بعينهم الا التراب
قلت انا ابد\ ما اوقف معك
قال لا قلت تذكر
قال لاتجلسين تذلينا هذا شي واجب عليك تساعدين زوجك وذهبك من وين شاريته شاريته من مهرك ومهرك من حلالي !!!!!!!!!!!!!!!!!!!!!!شفتو شلون التفكير السخيف!!!!
المهم انا سكتتتتتتتتتتتت ولا كلمه ويوم وصلت بيت اهلي وانزل وادخل البيت واسكر باب البيت بقوووووووووووووه يعني صفقت به بقوه
وضرب بوري هو وانا سفهته
وبعدها تفخ خشته وماعاد يكلمني رحت لبيتي مع زوج اختي لان اختي بتروح معي نشتغل بالبيت لاني مابعد سكنته وتخيلو بيت فاضي وادق عليه اقوله جب لنا مويه ويقول اشربي من الحنفيه واستحيت عند اختي وسكت وخلانا ليييييين 12 وجا للبيت لانه هو ينام بالبيت المهم وجايب معه مويه
وعطانياها وعطاني ظهره واقوله فلان اصبر اقفل الباب اختي قدامك وسفهني وراح ومشى قدام اختي واروح الحقه وسافهني واليوم قمت وادق عليه ويرد ونفسه بخشمه
بالله وشلون اتصرف مع هذا السخيف؟؟؟:mad:






هذا ردي على المشاركات

يابنات وش فيكم قلبتو علي ؟؟؟
انتم يمكن ماقريتو سالفتي زين او انا من الضيقه ماوضحت لكم زين
اولا اللي تقولي انه مزنوق من العمار ياناااس موب بيتنا ملك هذا بيت استاجرته وشوي قديم وارضيته سميت وجدرانه وصخه وشي ضروري انه يسرمكه ويصبغه هذا اولا
واللي تقول لاتدعين عليه فعلا معك حق الشيطان لعب علي استغفر الله الله لايقبل هالدعوه
ثاااااااااااااااااالثا انا يابنا ماتركته انا جلست اراضيه كم مره اعتذرت برسايل جوال واعتذرت باتصالات بس هو موراضي يعطيني وجه وقبل شوي اتصل علي وانا عند اهلي قال مفتاحي ضاع حق البيت عطيني مفتاحك وجاء وخذه وحتى سلام ماسلم وامسك يده واقوله يابو فلان وش بلاك كبرت السالفه ترى ماهمتني الفرشه طزززززززززز فيها والله وانا يابنات والله ماهمتني الفرشه وزوجي ماتركته والله ماتركته انا انقهرت منه ومن تصرفه وهو اللي داق علي ومارني من عند اهلي نروح نختار فرشه وسبق انه فرشها بس مدري وش قصته
يابنات انا ماغلطت عليه ويوم قلت له عن فلوسي وذهبي انقهرت من كلامه لما قالي انتي ماتحسين فيني ولا تقدرين ضروفي ولاولاولا ولاعمرك فرجتي لي ضيقه!!! انقهرت وذكرته بالذهب ..!!! من الكلام اللي قاله وقهرني فيه
انا تاسفت منه فوق العشر مراااااااااات ومافاد معه نافخ ريشه وتافخ خشته علي
اعذروني يابنات حوا ماهقيتها منكم كلكم جيتو ضدي كنكم ماتعرفون الرجال ومكرهم وشرهم!!!
ولكن جزاكم الله الف خير