يابنات محتاجه لكم ادخلو واسمعوني وادعولي

السلام عليكم ورحمة الله وبركاته

تصدقون من البارح وانا ابكي احس الدنيا ضاقت بي احس ودي اموت وانتهي وارتااح والله القبر اريح من هالحياة والا اروح باارض مابها احد عايش واعيش بها لحالي كرهت الناس كرهت المجتمع اللي مايرحم ولايحس بشعور المحروووم بتقولون ليه الكلام هذا البارح كنت عند عمتي ام زوجي وحمواتي وحناقاعديين قالت عمتي انتي هالصيف بتروحيين للاهلك قلت ايه قلت يابنت لاتروحيين وانتي تسحبيين ايديك تعالجي واحملي ثمن لاتخليين مكاان ماتروحيين له وقته حسيت روحي بتطلع قلت ***** الله ياعمة قالت ايه شوفي بنات عمك وخواتك كل وحدة بتلفي وعيالها بيدها وانتي بعدك واللي زاد الطين بلة تقول تراك كل ماكبرتي يصعب عليك الحمل انا مثل اللي انطعن بكل جسمة تخدرت صرت ابتسم واحس ضلوعي بتنفجر وقالت شوفي اختك فلانه ماشاءالله ودود ولود مع انكن خوات لكن الله المستعان

وارجع للبيت بحالة مايعلم بها الا الله وانا اساسا من اسبوع احس معي دوخة وغثيان ومااقدر اركز وزغلله المهم صمم زوجي انه يوديني للاسعاف واول مااسولي الضغط لقوه نازل مرة وقالت الدكتورة لازم تحاليل المهم رجعنا للبيت واتصل زوجي يقول اني تعبانه والضغط منخفض وقالت يمكن تكون حامل هو سكر وجاني وهو احسة طاير من الفرحة وقال تصدقيين تقول امي يمكن تكونيين حامل و انا تعبانه وطلعت كلام مدري كيف وقلت له لاياشيخ امك دكتورة بارعة لاتحلم واجد حمل مش حامل لاني توني مخلصة الدورة من اسبوع ونص كيف يصير حمل تدرون ايش قال قال انتي نكديه شكلي راح اجيب وحدة تونسني وتجيب لي عيال انا خلاص هنا انهرت وقمت ابكي هو سكت ودخل ونام ولا كنه سوا شي


شفتو يابنات الدنيا من اللحيين يفكر يتزوج وانا ماصار لي سنتيين معه وعمتي بدت ترمي كلام يمين ويسار انا وش بيدي والله ودي اجيب درزن عيال بس ماخليت شي ماسويته هم مايدروون اني حتي العلقم شربته عشان احمل انا ودي اشيل طفلي بين يدي ودي احضنه ودي المه وش بيدي لكن هم بس شاطريين بالكلام صدق من قال اللي ايده بالنار مو مثل اللي ايده بالمي اه اه اه وياليت احد يحس فيني كلن لاهي بعمرة يابنات قولولي ايش اسوي ماخليت شي والله ابكي وانا افكر اني اتطلق وخلاص ينتهي كل شي تعبت الم تعبت دموووع تعبت جرح ولاااحد حاس فيني

مالقيت الا انتم افضفض لكم واسمحولي اذا غثيتكم يابنات

ماقول غير يااارب ارزقني وارزق كل محرومة ياااااااااارب ياكريم وصبرني علي ماانا فية
ربي لاتذرني فردا وانت خير الوااارثيين
ادعولي ان ربي يرزقني توائم