{ H_ R _H}

{ H_ R _H} @h_r_h

عضوة فعالة

يابنات مقهوووره شوفو بنت اختي انضربت في المدرسه واتقطعت ملابسها

الأسرة والمجتمع

بسم الله الحمن الرحيم
يابنات والله ميته من القهر بنت اختي انضربت في المدرسه ومن من تتوقعون من بنت خالتها المدرسه
خلوني اقولكم السالفه من الاول
السالفه ان اختي هاذي من ابوي وعندها خوات من امها
من قبيله ثانيه غير قبيلتنا قررت اختي اتزوج ولدها فاختارت له بنت اختها من امها المهم البنت هاذي مدرسه في مدرسة××××في قريه اكيد ماقد سمعتو فيها
اختي عندها بنت في ثالث ثانوي قالت لها زوجة اخوها
ادرسي منازل وصارت تختبر في القريه هاذي وعدا اترم الاول وصارت مشاكل وطلق ولد اختي زوجته مابي اتكلم فيها الله يستر علينا بعدين جت الاختبارات الترم الثاني وراحت بنت اختي تختبر اول يوم تقول في قاعة الامتحان
جت بنت خالتها الي هي المدرسه ع ووقفت على راسها
وصارت تقول دخلي رجولك المهم صارت تضايقها وتخلي البنات ماخذين راحتهم ويغشون وجا ثاني يوم
وفي القاعه ناوبت عليها بنت خالتها الثانيه الي هي اخت ع يقالها المدرسه ح واستمرت المضايقات بس اقوى وتنطيل كلام قامت اختي ودقت على المديره وعلمتها
وقالت المدير يصير خير ولاعادني مخليتهم يناوبون عليها وكتبتهم تعهد وصدق معاد ناوبو عليها بس يوم جاء يوم الاربعاء الي راح تقول كنت طالعه من الاختبار خلاص بطلع الاجوني ثلاث بنات من كل جهه ورشوها بلماء بعدين استلموها ضرب تقول الا جو معهم بنات زياده وضربوها ضرب مو طبيعي ماخلو فيها شي سليم
وقطعومريولها الاتطلع من بينهم ح وتقول خلوها علي
وقامت تضربها كفوف في هاذي الحظات كان محد يدري
عن الي يصير واخوها ينتظر برا الاواحد ينتظر زوجته
جايين من الرياض اركبت زوجته وعلمته بسالفه بعدين الرجال وقف عند ولد اختي وقاله انت ال اسم القبيله قاله
ايه قال اختك تنضرب داخل هنا انجن اخوها وصار يدق
الباب والحارس مانعه يقول مافيه مضاربه ولاشي ولد اختي تذكر ان جوالها خلته معه قبل تنزل وصار يفتش
فيه لقى رقم المديره دق عليها وطلعت ماتدري عن شي
لانها في دور والمطاقه في دور وراحت ركض على البنت تقول المديره البنات يوم شافوني طقو الا ح كانت
ناشبه فيها ماقدرت عليها ونادت المدرسات والموجهه
وساعدوها وطبعا بنت اختي تقول ماحسيت بنفسي الا
وانابغرفة المديره وح هربت وطلعوها لخوها وطيران
وداها البيت وعرف زوج اختها وهو يصير مقدم في الشرطه ودق على المديره وهددهم انوه يوصل الموضوع
لفوق وراحو لقسم السويدي وبلغو وراحو مستشفى سلمان
واخذو تقرير عن الحاله وخوها الي طلق ع وزوج البنت جوطيران من الشرقيه وزوجها حالف مايتنازل واخوها
راح لجريدة الرياض ومواعدينه بكره يجيهم
هاه وش رايكم الموضوع مايقهر وبعض المدرسات انهبلو للاسف مافرقو بين المشاكل الخاصه وواجبهم كمدرسات
بس ماقول غير حسبي الله ونعم الوكيل


ان شاءالله اذاصار شي جديد ببلغكم

ــــــــــــــــــــــــــــ
هاذا ردي حبيت اضيفه هنا
مشكورين يابنات احسكم حسيتو فينا
والاخت الي تقول باقي لها نفس تختبر
البنت ماراح تختبر تعباااانه ماتقدر حسبي
الله عليهم ضيعوها يمكن تعوض مع اختبارات
الساقطين اليوم بيودونها مستشفى دله لان رحمها يوجعها مررره وراسها منتفخ خايفين
عليها والله من النزيف الداخلي
188
21K

يلزم عليك تسجيل الدخول أولًا لكتابة تعليق.

تسجيل دخول

أم سلطان 55
أم سلطان 55
لا حول ولا قوة إلا بالله
آذكــآر
آذكــآر
حسبي الله ونعم الوكيــل
لاإله إلا الله وحده لاشريك له ،له الملك وله الحمد وهو على كل شئ قدير...دعواتكم
جدة الكتاكيت
جدة الكتاكيت
اسال الله ينتقم منها والله اني انقهرت وتكفين تقولين لنا وش صار والله يفوق بنت اخوتك
طــفــلــة
طــفــلــة
حـــــسبي الله ونعم الوكيل

وهذي هي يقال لك مربية اجيال
ياحلاة من صكهاا كف .. يعلمها ان الله حق
انا احس بيطق فيني عرق وانا مالي دخل.... كيف انتم؟
الله يعينهاا..وســــلامتها ماتشوف شــر
&فتاة المستحيل&
لا حول ولا قوة إلا بالله