يابنات مكة أنتبوا من الدكتوره غولناز يوسف في مستشفى الأهلي

السلام عليكم ورحمة الله وبركاته

أول شئ باركولي ولدت الحمدالله في 9/19 رمضان أنا من أول كنت أبغى أكتب دا الكلام بس ما كان في وقت
دحين بأقلكم ايش صار معيا عند الدكتورة غولناز أول شئ أنا راجعت عند دكتورة ممتازة اسمها صفا في قضيب البان في العزيزية وفي كمان دكتورة مره طيبة وتخاف الله في عيادات اسيا وكمان تكشف عليكي وهي منقبة بس نسيت اسمها ولكن للحق عيادات اسيا الا في العزيزية خايسة مافي شئ طيب الا الدكتورة دي عموما مالكم في الطويلة

رحت أراجع في الشهر التاسع بعد التراويح وكنت تعبانة بس لقيت عندالدكتورة صفا مرة زحمة يعني امكن يجي دوري الساعة وحدة او اتنين قام زوجي قلي اوديكي علوي تونسي برضوا زحمة قام قال اوديكي الاهلي رحنا هناك وكان في دكتورتين فتحية وعندها زحمة وغلناز والا عندها مرة قليلين طيب رحت عندها وكشف عليا وقالت انتي ماراح تولدي طبيعي حوضك صغير انتي راح تكون ولادتك قيصرية واعطتني ورقة فيها تحليل وكمان كشف ثلاثي الأبعاد على ما أظن وقالت أنا ما أعرف ألف وأدور انا صريحة سبحان الله النصاب يكشف نفسه ايش دخل اللف والدوران وبعد شويا قالت انتي سعودية أحسن روحي حكومي وخرجت منكده من عندها وأنا هذه الولاده بكريتي وما اعرف شئ ورحت قريت في النت يقولوا اذا الحوض صغير خلاص كل ولاداتك راح تكون قيصريا

بعدين رحت للدكتوره صفا وقالت طنشيكي منها ما يبان دحين وكمان الدكتورة الا في عيادات اسيا قالت كدا
وأنا أقول في نفسي انهم بس ما يبغوا يخوفوني وبعدها كذا بكم يوم رحت حراء والحمدالله ولدت طبيعي الحمدالله يعني الدكتورة كانت بتنصب عليا عشان أولد عندها قيصري او هي ماتعرف شغلها وقاعده تفتري في الناس أنا دورت عن الدكتورة في النت لقيت كمان في وحدة دي الدكتورة مسويتلها مشكله انتبوا يابنات لا تروحوا عند اي وحدة ترى الولادة شئ موسهل عشان يتعموا فيكي