لاتموت الاماني @latmot_alamany

عضوة

يابنات مو من عادتي افضفض لاتخيبوني ..

السلام عليكم ورحمة الله وبركاته : )

كيفكم يابنات ؟ ان شاءالله بخير

انا يابنات مو من طبيعتي افضفض ولا احب اتشكى لأحد لكن اقسم بالله ان هالدنيا بهاللحظه صاكه فيني

و لاني اعرف انه هنا في كثير بنات خوات وامهات .. ودي استفيد وان كان مابيدكم حل فـدعوه او مواساه يمكن تفيديني

انا انسانه ابتليت بعائله مارح اوصفها رح اقولكم وانتم احكموا

اهلي طيبين ومو سيئين بس اعاني من مشكله و هم انهم رغبوني في الدراسه بمدينه غير مدينتي و وعدوني انهم بيوقفون جنبي ويساعدوني وفعلا صرت ادرس بهالمدينه ويوميا رايحه جايه ,, بس بديت دراسه شالوا يدهم من كل شي لا مصروف لا ملابس لا ولاشي والادهى والامر انهم كلفوني ادفع للنقل من مكافئتي و بكذا مايبقى لي منها شي كلها تروح للنقل لدرجة اتمنى يبقى شوي عشان بس اشتري واكل ع راحتي بما ان ثلاثة ارباع يومي بالجامعه والاكل عندنا غالي بالمره و طفشت اطلبهم كل صبح ,, واخذ اقل من اللي يكفيني وما اقدر اطالب بأكثر ارحمهم ..

ابوي انسان عاطل عن العمل وصار لنا تسع سنين من سئ لاسوء والمشكله يجي ايام مابجيبه شي و الى الان مو مستوعب ان المفروض يدور له ع شغل و اننا كلنا مسئووليته

اقسسسم بالله مليت خلاص

صديقاتي اللي كانوا مثل العسل معاي هالسنه من اركب لين انزل ساعتين بالطريق رايحه جايه معهم ولا كلمه اسمعها منهم كل وحده بهالبلاك بيري تطقطق و يدقون بالحكي ليه يافلانه ماتشترين واحد ؟ ع بالهم اني قاعده اجمع المكافئه او العب فيها

و المصيبه لي خمس شهور احاول اشتري واحد عجزت .. ماابغى اشتريه لاني حبيته وماابغى اشتريه دلع او اي شي كل الموضوع اني تعبت من نظرات صديقاتي و اني كل يوم مثل الجدار جالسه اهوجس مع نفسي وكل وحده تطقطق و لا حتى تلتفت !

طفشششششت وربي لا لبس لا مصروف .. خلاص مليت

المشكله دراستي حيل حيل صعبه ومطووووله و نفسيتي من سئ لاسوء كل شي احتاجه لازم اطالب فيه شهور عشان القاه وتطلع روحي على مايجي هالشي

واهلي مو راضين بالسكن ,, وانا تعبت نفسيا وجسديا و كل شي ,, كون دراستي صعبه وقاعده ابذل جهد محتاجه اقل شي تفهم منهم ومو لاقيه هالشي ابد

والله افكر اني ادعي بساعات الاستجابه بالموت بس اخاف اذا ذكرت القبر : (

و افكر احيان انتحر بس ماودي اخسر اخرتي على حساب دنيا

بهاللحظه احس ان الواحد ماله بالدنيا ولا احد ,, ولاتقولون تشاؤم هذا قمة الواقعيه .. كل ماكبرنا قل احساس اهلنا فينا وشوي شوي يتخلون عن مسئووليتهم تجاهنا ,, طيب على الاقل يفكون عنا شوي نتنفس ..لا راضين اروح للسكن واوفر مكافئتي ولا راضين يصرفون علي شهر واحد

هذا غير صديقاتي اللي اكتشفت انهم مو صديقات من كذا موقف

والله اني كرهت الدنيا ولو بيدي اروح اعيش وحدي مااعرف احد ولااحد يعرفني

وافكر اسوي كذا اذا كبرت لكن المشكله الوحده مننا ماتطلع لبيت مستقل الا بيت زوجها !

تعبت و مليت وصبرت ثلاث سنين على هالوضع وباقي لي مثلهن بدراستي ,, وش السواة يابنات ؟

مشكلتي جسمي كل ماله يضعف كأنه جسم بنت بالمتوسط! وعيوني اليوم رحمتهم من كثر مابكيت من القهرر ..

اخاف تخلص هالسنين وانا قد عجزت من الهم ..

والله اني اتكلم جاده وبس اللي مرت بظروف مشابهه ممكن تفهم قصدي

كرهت الطلعه والدخله مثل البنات .. مضغوطه دراسه و همومي هذي وقلتها عندكم
والمشكله ان عمري 20 سنه اخاف بجد اصير انسانه كئيبه بالمستقبل ..

انتظر ردودكم و تجارب من مرت بمثل هالظروف وان كان مابيدك شي فـرفع او دعوه تكفيني : )

يلزم عليك تسجيل الدخول أولًا لكتابة تعليق.

تسجيل دخول

**ودي اسولف** • 13 سنة

يا قلبي الله يفرج همك

نفيسه احمد • 13 سنة

وش هاللكلام تتنتحرين ليه ..

وبعدين ..اهلك يبون مصلحتك درسووو مو فصلوووك ..

يعني احمدي ربك اهلك متفهمين طلعوك من مدينتك ووثقو فيك وخلووك تدرسين ..

غير كاهليهم مايسمحولهم ..

وبعدين .. اذا منتي ماتبين الدراسه .. اخذي استراحه .. اجلي سنه .. افصلي راحتك اهم ..

اما انك تنتحرين وتتعبين نفسيا .. ماتسوى عليك

نفيسه احمد • 13 سنة

وش هاللكلام تتنتحرين ليه ..

وبعدين ..اهلك يبون مصلحتك درسوووك مو فصلوووك ..

يعني احمدي ربك اهلك متفهمين طلعوك من مدينتك ووثقو فيك وخلووك تدرسين ..

غير كاهليهم مايسمحولهم ..

وبعدين .. اذا منتي ماتبين الدراسه .. اخذي استراحه .. اجلي سنه .. افصلي راحتك اهم ..

اما انك تنتحرين وتتعبين نفسيا .. ماتسوى عليك

رمادا 8 • 13 سنة

الله يعينك يارب وانتي تقولين ابوك عاطل يعني مامعه شي لازم تعذرينه من وين يجيب وربي ****لله بيوفقك وتتخرجين وتتوظفين وتعوضين اللي فات والله يرزقك بالزوج الله يسعدك ويدور بك الدنيا 00وتذكري ان الله يختبر صبر العبد وكوني من الشاكرات والله بيزيدك من الخير00وبالنسبه للاكل لاتشترين من الجامعه سويلك سندويشات وخوذيهم معك حتى اصح لك 00وربي يحلي ايامك يارب

الغلا أمي • 13 سنة

الله يعينج ويفرج همج امين

يا حبيبتي انتي بروحج قلتي ان الوالد ما يشتغل يعني يمكن فلوس اهلج يا دوب تكفيهم
اصبري وباجر ان تخرجتي واشتغلتي بتنسين تعب هالسنين كلها وبدل ما تدعين على نفسج بالموت ادعي لج ولاهلج بالتوفيق وبتفريج الهم عنكم قريب

ربي يوفقج امين