يابنات مين سوت عملية اللوز وهي كبيرة او تعرف احد سواها ؟؟؟؟

انا سويت اللوز وانا في الجامعه ...
كان يوم اسود يوم سويتها ....

ورب الكعبه ان وزني وصل للثلاثينات .. تخيلي !

صرت جلد وعظم ....

المشكله مو في البنج ...
المشكله في الألم اللي بعد العمليه لما يروح مفعول البنج ... كنت ما اقدر اتكلم الا بصعوبه صوتي رااااااايح . اتكلم وماحد يدري وش اقول .... ما اقدر اضحك .. لأني احس بحلقي يتقطع من داخل ..

طبعا اكل ما اقدر اكل .. السوائل شي خفيف جدا جدا جدا .. عشان لا اموت من الجوع ..

والمصيبه الكبرى فوق هذا الالم ما اقدر انام ... لأن اذاني من داخل تؤلمني بشكل فضيييييع ...
الاذان مرتبطه بالحنجره .. عشان كذا قمة الألم ... والمصيبه اني من النوع اللي ينام على جنبه يعني مستحيل انام على ظهري .... شوفي العذاب ..

قعدت على هذا الحال اسبوع .. الاسبوع الثاني كان الألم أخف شوي ... لكن الألم مازال موجود


شوفي حبيبتي مو قصدي اني أخوفك ... لكن هذا الشيء معروف ان ألم عملية اللوز يزداد مع الكبر في العمر .. عشان كذا يسوونها الصغار ويكون الالم أخف .

......
بس بصراااحه قبل العمليه كان حلقى يلتهب كل ثلاث الى اربع مرات في الشهر !
.. وكانت تنزل صديد على صدري ...

ولو شربت شي بارد في الجامعه ... اعرف اني ماراح اداوم اليوم اللي بعده لأن اللوز راح تلتهب ..

وبعد ماشلتها الحمد لله ماصار حلقي يلتهب .. اشرب بارد براااحتي ....
سويتها في دله .. عند دكتور والله ما اذكر اسمه ...

لكل شيء ايجابياته وسلبياته...
بالتوفيق .

لا مو معقول يعني صدق انها تتعب على كبر طيب ليش كذا مافي شي يخفف هذي الالآم
كلامك خوفني مره وخلاني افكر الف مره في الموضوع

شكرا اختي اليوم وبكرة وياريت اذا افتكرتي اسم الدكتور الله يخليك تكتبينه

على قد ما اعطوني مسكنات ... مانفعت ....!

الدكتور متخصص انف واذن وحنجره ... على ما اعتقد ان جنسيته باكستاني او شي زي كذا ...
بس والله يالغاليه ما اذكر اسمه ....

ان شاء الله البنات اللي جربوا يفيدونك اكثر ...

موفقه ياقلبي.

انا سويتها قبل سنتين تحسين بالم بعد البنج وذانيك راح تعورك وراح تتكلمين بصعوبة في البداية والاكل سوائل وزبادي وشوربة دافية وايسكررررريييييييييييييييييم بس
في الاسبوع الاول
وبعدين راح ترتاحين
وانتي توكلي على الله ولاتخافين

جزاك الله خير اليوم وبكرة وينولك ربي اللي في خاطرك

نور يعني الالآم اللي جاتك هي نفسها اللي صارت مع اليوم وبكرا ومن ناحيه خوف فاني مية من الخوف
الله يعطيك العافيه على ردك
وان شاء الله ربي يكتب لي اللي فيه خير