يابنات هجرت غرفتي والسبب؟؟؟؟؟؟؟

السلام عليكم ورحمة الله وبركاته
اخواتي حابه اعرض عليكم مشكلتي واللي متعبتني كثثثير ومو بس انا اهل البيت كلنا
المشكله هي انا ساكنه بيت جديد لي تقريبا سنتين وطبعا شاريه لحاف للسرير جديد المهم طول هالسنتين ماشفت الا العافيه من هاللحاف الا تقريبا من شهر شعبان اللي فات لاحظت انو تجيني حكه في جسمي كثثير قبل انام بس انا وزوجي لأ
بعدين صار جسمي كله بقع وحبوب ويوم عن يوم تزداد والله اني النوم بالنسبه لي عذاب انا توقعت حساسيه واخذت حبوب وكريم وماسوت شي الا يزيد وزوجي توقع من السرير يمكن فيه شي وفعلا فتشنا السرير فكينا اللحاف والخشب وكل شي والمصيبه دود اسود كبر الذبابه واكبر مليااااااااااااااااااااااان تحتنا واحنا ننام كل ليل ولاندري وبس قعدنا نذبح فيهم ويطلع منهم دم كل ماصقعنا وحده طلع دمم كثثير ومن يومها زوجي اخذ اللحاف وحطه بالمغسله وقال غسله بالمنظفات عندك مزبوط والسرير نفظناه نفض وجبنا البف باف وبودرته ورشيناها بغرفه النوم كلها وصكينا الباب وفتحنا الشباك عشان التهويه وبس 3 ايام واحنا ننام بغرفه ثانيه وعلى الفرش والله يابنات انها ماجاتني الحكه ابد ولا حسيتها يعني السبب في السرير وبعدين تأكدنا من نظافة الغرفه ولاعاد شفنا ولا وحده وبعدين جبنا اللحاف وفرشناه ونفس الشي رجع بالليل كلشي ولا كأننا سوينا شي وانا بموت من الحكه والدود يمص بدمي وتعبت كرهت النوم بغرفتي بسببه والغريبه مايقرص غيري ومن اول ماانسدح على طووووووول شي يخوف مررره حتى امي واهلي هاوشوني لاعاد تنامين فيه لايجيبلك مرض هالدود وانا كل خوفي على عيالي لايجيهم ودايم افتش سررهم والحمدلله مافي شي والمصيبه اليوم زوجي جا من العمل يقولي انه للقى الدوده نفسها في ثوبه في الصباح كانت تقرص فيه هيه اش وداها لثوب زوجي وهو دايم ينفض ثوبه قبل يلبسه لا والمصيبه الثانيه يقول بعدها نفضته مزبوط وطلعته ورجعت لبسته ومافي شي الا الظهر يلقى وحده ثانيه بسم الله من فين جات بصراحه شي خوفنا كلنا وانا خوفي كله على عيالي والله
ورمينا اللحف مع انو مرره حلو وجديد وبرضوا رجعت حليمه لعادتها القديمه وصرنا نشوفه زي اول مع انو بالنهار ندور مانشوف شي الا لما نجي ننام يطلع يقرص وتركنا الغرفه باللي فيها يابنات احد شاف او صارله زي كذا انا بحياتي مامررر عليه كذا اهلي يقولو عين وانا والله لي فتره وانا اشغل سورة البقره بالغرفه وراح استمر عليها بس ابغى شي يقضي عليها نهائيا انا لي فتره وانا اسئل الناس يمكن احد يعرف شي قلت افضل حل هنا لان يمكن يكون احد مر عليه كذا ويفيدني لان جسمي تشوه بسببه والنوم نسيته بغرفتي وانحرمت منها:(
واللحين انتقلت لزوجي كمان واخاف على عيالي الله يخليكم اخواتي ولايوريكم مكروه ابدا افيدوني والله يجزاكم الجنه يارب:26: