والله انا جربت غسالة توماتيك دايو 12 كيلو وسعرها 1400 ريال صراحة حلوه مع كل الملابس وتنظف ماشاء الله لكن اهم شيء يكون اللي حق التصريف مرفوع عن الارض..
وكمان جربت المكوى الكبس ماعليها كلام لكن مثل ماقالو البنات تبي شوي تعويد واذا عرف لها الواحد صح بتسهل عليه.
واقترح عليك اذا خفتي تشترين الكبس ولا يعرفون لها خواتك اسألي عن المكوى البخاريه يمكن تنفع..
أو المجفف الكهربائي بعض الناس يحطون الثياب فيه واذا طلعوها بس يعلقونها بالمعلاق ويصير كأنه مكوي..
الله لايحرمنا بر والدينا ويخلي لتا اياههم .. اعجبتيني باهتمامك باهلك مو مثل بعض الناس اذا تزوجوا ينسون اهلهم..

انتي بتلقين ردود كثيره من البنات وبتحتارين اش تختاري انا زيك ابغى باقي اشتري غساله لي طبعا وسالت اش افضل نوعيه وصاحب المحل قال بعضها غساله ونشافه بس تحتاجي مجفف حراري عشان تنشف الملابس مضبوط ولكن ال جي ماراح تحتاجي مجفف المجفف حقها على طول للدولاب مكويه جاهزه بس السعر بسته الاف وعاد مادري اذا بتلقين بسعر ارخص لان الي سالت عنها عشره كيلو ولونها احمر واما من ناحية المكوى الكبس فهو روعه عندي واحد صغير ينفع لثياب الرجال والعبايات والبناطيل والملابس الثانيه مره روعه مايحتاج تعليم والله يسهل امورك وتري الشباب يحبون الكوايه الكبس وراح يعتمدو على انفسهم في الكوي مع هذي الكوايه

الغسالة جنرال الكتريك
وبعدها ويربول

بدل المكوى جيبي المجفف الحراري روعه بس للثياب ماعتقد تنفع

عندي وير بول روووووعه عموما الأمريكي أحسن شيئ وتنظيفها رووووووووعه والثياب البيضاء أنقعها بمويه وصابون بالليل والصبح اشغلها وأحط كلوركس وتطلع تلق وأنا مثل أهلك كل اللي عندي شباب وأبوهم الله يخليهم لي وأنواع الحوسه ثيابهم من البر والطلعات مع ذلك ترجع جديده
مكواة الكبس عندي له 5 سنوات خيااااااااااااااااال وراحه ما بعده راحه بس تبي له تعود
اذا كنتي مترددم بالمكواه اشتري نشافه لأن الثياب تطلع شبه مكويه بس تبي اعاده بسيطه
الله يجزاك خير ويعطيك على قد نيتك ويرزقك بر والدينك