يابنات هونوا علي تملك قبل يومين ولا سأل فيني

السلام عليكم ورحمة الله وبركاته
يمكن الكثير منكم قرأ قصتي الاولى وهي إن زوجي اخذته عن حب وجلست معه عشرين سنه وانجبت له سته اولاد وحامل الآن المهم قبل شهرين زوجي تغير علي كثير ولما واجهته طلع يخطب طبعاً تركت له البيت ورحت لأهلي توقعت إني اهمه لكن والله يابنات إن كنه زي المسحور في كل تصرفاته رمى عيالي عندي وأخذ الكبار معاه والشغاله طبعا ًانا موظفه رفض يصرف عليهم بحجه ان ماهم ببيته قتلني يابنات وراح وتملك بوحده موظفه عندها ماجستير وعمرها ٣٥ سنه طبعا ً أنا عمري ٣٨ والله يابنات إني ماعمري قصرت معه بشي طول عمري زي الشغاله والله يابنات إنه يجيب لي الذابيح وحده وثنتين وطبخ في البيت وانا وحيده ماعندي حد ولا عمره جاب لي هديه سواء كان مسافر ولر كنت والده دايماً جاحد أنا يابنات ماني ميته عليه بس ذابحتني خيانته وطعنته لي بعد كل اللي سويته على شانه حتى ذهبي كله كنت اعطيه اياه يبيعه اذا احتاج ولا عمره عوضني
تكفون هونوا علي واذا وحده صار لها زيي وربي نصرها في الآخر ياليت تكتب لي قصتها
المشكله إني ماأبغى أقابل الناس أحس الكل يشمتون فيني وعلى طول أبكي ولاعاد عرفت النوم ولا الأكل حتى اللي في بطني اهملت صحته. ونزل وزني كثير ومتحمله فوق طاقتي وعندي فقر دم حاد يارب تجبر مصابي


تم الإرسال بواسطة iPhone بإستخدام منتدى عالم حواء