يابنات والله ماترددت اكتبلكم ولالحظه ..ادخلوا واستفيدوا.

السلام عليكم ورحمة الله وبركاته ..

كيف الحال عزيزاتي بنات عالم حواء والله ماترددت ولالحظه في اني اكتبلكم

من حبي فيكم
ابي الكل يستفيد اناعمري 23 سنه وفي رمضان من العام الفائت صارت لي مشكله في حياتي غيرت لي مسار حياتي والله يابنات كنت مذنبه ذنب عظيم مهو مجالاني اتكلم عنه الحين بس لايروح فكركم بعيد>>يعني ماكلمت شباب ولابحياتي راح اسويها
بس والعياذبالله كنت احب وحده وبصراحه بديت احس انه حبي لها وحبها لي موطبيعي كرهت نفسي وضميري كان دايم يأنبني لدرجه اني انجرفت لاشياء مهو مجال اني اقولها وقررت اوقف لنفسي وابعد وارجع لله وارجع مثل ماكنت

وموبس كذا كنت انمص حواجبي وكان ضميري يأنبني لانها ذنوب عظيمه وانا كنت مستهتره

صرت وحيده وداااايما متضايقه والله كنت ابكي على سجادتي وادعي طول الليل محد يحس فيني انا اخواتي كلهم متزوجات وعندي اختي الي بالبيت عمرها 29 وماتدري عني مومتزوجه بس لاهيه بحياتها وصديقاتها..

حسيت بوحده والله كنت احس اني غريبه وانا وسط اهلي ولاابي اشوف احد انا من النوع الهادئ وماعندي صداقات كثيره ماعندي الاوحده..
وصديقتي الي تركتها كل شي بحياتي كانت اخت وصديقه وام..

ولما قررت قراري اني اتركها حسيت بالوحده اكثر وصرت وحيده والله لومت محد درى عني

لاتسألوني وين امك واخواتك لان هامي كبيره حيل واخواتي كلا لاهي بهمه ماعندي غير هذا النت

وكنت دايم ادخل على عالم حواء وادعي لهذي واقرا مواضيعكم عن الاستغفار وعن الدعاء في جوف الليل والصراحه اناالحمدلله كنت اصلي الليل بس بعد مادخلت حياتي هذيك البنت استغفرالله اتغيرت ماصرت مثل قبل اداوم عليها

قررت اني اصحى لنفسي وارجع لربي لاني عارفه ان راحتي بقربه وانا بعد ماعندي قريبات في سني والي اصغر واكبر كلهم اتزوجوا واخواتي بعد متزوجات
وانا مااخفيكم كنت افكربالزواج واحلم اني اكون عروسه واروح واجي مثل قريباتي بس ماكان هاجسي كان الهاجس بحياتي كيف الله يغفرلي وانسى همي؟؟

يابنات اناعاديه بس الحمدلله الكل يقول اني جذابه ومملوحه مو مهم بس ماتصدقووووون
والله مافيا مل ولاواحدني بالميه انخطب نهااااااااااااااائي تدرون ليه.؟؟

يمكن لانكم منتم عايشين معي ولاتدرون انه مجتمعنا مايدورننا مرررره
حتى اختي الي عمرها29وهي احلى مني ماشالله حلوه والكل يقول عليها انهاقمر
ماتزوجت ..
يحبون يأخذون من برا والحمدلله اخواتي اتزوجوا احسن منهم وفي من اخواتي اتزوجوا من نفس القبيله بس من بعيد وبعضهم مومن نفس القبيله>>ادري طووولت عليكم بس ابيكم تتخيلون معي قد ايش كان حلللللم بعيد وبأرادة الله ثم الاستغفارمافي شي بعيد..
م كثير ولاني حد يفكر فيني لاني مااطلع كثير ولايحبون القرايب ومن جهة امي ماكو اصلا شباب كلهم تزوجوا ماشالله..وغير كذا كنت مليانه ودعيت الله اني انحف لانهمافي ممجال اسوي ريجيم
المهم حبيباتي استغفرت ولازمت الاستغفار اكثر من شهرين مو للزواج لراحة البال
والسعاده كنت ادعي بجوف الليل وبرمضان ((الللهم اغننا بحلالك عن حرامك وبطاعتك عن معصيتك وبفضلك عمن سواك)) ادعي وابكي
وادعي الله بالزوج الصالح لي ولجميع المسلمات وكنت احدد بنات من المنتدى وبنت خالي وبنات نعرفهم والله كنت ايأس احيان وارجع اقول شوفي اختك ماتزوجت وفلانه وفلانه اختي احلى منك وماتزوجت ..
وارجع ثاني يوم من جديد اصلي وادعي وابكي واستغفر وحتى صار المفأجاه

تخيلوا يابنات صحتني تقولي قومي يابنوته جاك عريس وهي فرحانه
وانا متعجبه والله يابنات اني سجدت شكرلله مو لاني جاني العريس لا

لاني حسيت برضى ربي وعرفت ان ربي ان شالله يكون رضي عني وسجدت شكر
والعريس لو احكيلككم يمكن ماتصدقون انا كنت يعني لما ادعي اطلب شروط معينه كنت اقول يارب يكون طويل ووسيم ومن نفس قبيلتي..؟؟

العجيب انه طويل ووسيم وابيض ومن قبيلتي بس من مدينه ثانيه قابله ابوي وتعرف عليه وقاله الولد ياعم زوجني من بناتك قاله تبي الصغيره ولاالكبيره قال ابي الصغيره>>احم الي هي انا..
وبعد قلت يارب يكون موظف والولد موظف سبحاااااااااااااااان الله والله يابنات للاستغفارعجايب
للحين ماتم الموضوع ويمكن مااوافق لانه بعيد عن اهلي بس شوفوا يابنات عجايب الاستغفار
هذا غير اشياء كثيره من رزق طلبت واستغفرت وجاني الحمدلله ونحفت بدون ريجيم لدرجه خياليه انسدت نفي عن الاكل لين نحفت
قال تعالى*(فقلت استغفروا ربكم انه كان غفارا*يرسل السماء عليكم مدرارا *ويمددكم بأموال وبنين ويجعل لكم جنات ويجعل لكم انهارا))اخر كلامي حبايبي ادعولي بالزوجالصالح ولاتنسون اني كنت ادعيلكم واستغفروا كثييييرولاتيأسووووووووون من رحمة الله((ان الله غفورا رحيم)ولو اش كنتي مسويه صدقيني لوتبتي واخلصتي النيه واحسنتي الظن بالله مافي شي على الله ببعيد وانا راح اكمل رحلتي مع الاستغفار وان شالله بأجني ثماره وترا يابنات والله العظيييم ان مستعجبه للان سبحان الله..