يابنات وبالذات المتزوجاااااات تعالوووووا

السلام عليكم حبايب ألبي
الزبده ومافيها
اني ابي اقول لكل وحده تبي تستخدم زيت جوز الهند
مع الثوم لشعرها او الجرجير لاااااتخاف وتجرب
والله والله والله شعري تجنن ريحته احلا من اول
ولا فيه ريحه ثوم ولا جرجير ولاشي حتۍ خليت زوجي يشمه ههههههههه
قال ولا شيييي مافيه اي ريحه وزوجي صريح لو فيه كان ماسكت لانه صريح وبقوه هههههه
طبعا جربت زيت النارجيل سخنت اكثر من نص علبه بشوي لاني مستخدمه منها قبل
وحطيت خمس فصوص ثوم مقطعه مكعبات وسخنته على نار هاديه وصار حار وطفيته
واضفت فوقه كاس زيت زيتون
ويوم برد خذت كم حبه هيل مع فنجان قهوه مسمار ( قرنفل) وطحنتهم بماكينه القهوه
وحطيتهم فوق الزيت والثوم وقلبته زين وتركته دقايق وصفيته بعلبه ماي صحه وتركته بره على الجو
طبعا الريحه وع وع وع وكنت خايفه تمسك بشعري
استخدمتها يوم ثاني بشعري وتركته من المغرب لين الساعه 2 بالليل وحاطه فوقه كيس نايلون ومنديل
طبعا زوجي بالعمل هالفتره خخخخخ
وقبل ادخل الحمام اخذت كاس وفيه قهوه نسكافيه ودخلته معاي الحمام هههههه
غسلت شعري مرتين بالشامبو ومره بالبلسم
نجي للقهوه ونحط فوقها حمام زيت مثل فاتيكا او فاشكول براحتكم اهم شي ريحته قويه وتخلطينه مع القهوه وشوي ماي وحطيه بشعرج وفركيه كويس فروه الراس فركيها كوووويس مسااااج وتركيه خمس دقايق وغسليه زييييين
واذا طلعتي حطي بديل الزيت بانتين او اي كريم ريحته حلوه وواضحه وبخريه وهو رطب وخليه يجف شوي وربطيه
واذا شميتي ريحه تعالي قابليني خخخخخخخخ
والجرجير بعد هذا اكتب وهو بشعري
جرجير طازج وبيضه وسدر واي نوع زيوت تستخدمين ومايونيز وشووي خل خلطيهم بالخلاط وعلى هالشعر وحطي كيس نايلون وانسيه ساعه او ساعتين وغسليه بنفس الطريقه بس مشطيه وانت تسبحين بمشط ضعيف علشان الجرجير ينزل عدل بس اذا حطيتي البلسم علشان لايتشابك شعرك ويتقطع وتحت الماي البلسم بيسهل المهمه
وسوي نفس الطريقه بالضبط وبخريه
والله ولا ريحه ولا شي بس ريحه بخور تجنن
كنت مثلكم اخاف من الريحه بس اتبعوا اللي كتبته وبتشوفون النتيجه بنفسكم
طبعا لي ثلاث ايام من بدأت وشعري يلللمع وناعم لانه انعدم من الصبغات وتنتف وتوني هالاسبوع حطيت صبغه غااامقه خلاص مابصبغ بهتم فيه وبطوله شحلات الشعر الطويل
وسلامتكم
<<<< قصه حياتها كلها كتبتها هههههههه
دعواتكم لي الله يسهل امورنا ويحفظ زوجي وعيالي