يابنات وينكم عن العسل

السلام عليكم ورحمة الله وبركاته :
عندي لكم موضوع مفيد و بتمنى يعجب الكل و تستفيدوا منه ومن أهم مافيه العسل اتفضلوا :26:

شوفوا حبيباتي أنا رح احكي كيف اتعالجت بالزبط لمعدتي أولا بس أهم شي انك دايما اتحاولي اتخللي أعصابك هادية والله هدوء الأعصاب بسبب راحة للجسم و خلوه من أي مرض بما فيها تساقط الشعر لأنه الحالة النفسية بتأثر عالشعر والبشرة كمان .

1- أهم شي لازم تتبعي حمية غذائية لفترة شهر تقريبا لأنه الحمية الها دور كبير بعلاج المعدة والحمية بتكون عبارة عن خضار مسلوقة خالية من الزيوت و البهارات باستثناء الملح و خالية من الحوامض بما فيها اللبن لأنه حامض و متعب للمعدة , و تحتوي كمان على فواكه بس ممنوع الفاكهة الحامضة أوكي , و ممنوع أكل الحلو أو أي شي في دسم وزيوت وقطر كلها أشياء مضرة بالمعدة حتى الجبن و اللبنة ممنوعين شوفي هي حتكون فترة متعبة شوي بس لازم تستحملي مشان معدتك اتفقنا . وبعد شهر ممكن ترجعي تاكلي كل شي عادي هاد بس لالتهاب المعدة .

2- هاد الفطور و أنا صرت امشي عليه دايما حتى بعد الحمية و هو عبارة عن :
أول ماتصحي من النوم اشربي بين 3-4 كاسات ماي دافية عالريق و تضلي ساعة لاتاكلي و لاتشربي أي شي بعدها .
بعد ساعة تاكلي 3 حبات تمر و تساوي صحن كورن فليكس أو يللي أحسن منه كعك حلو وسواء أي واحد فيهن حطي معه حليب خالي الدسم وملعقة كبيرة عسل السدر الأصلي و ملعقة كبيرة حبة البركة أو يمكن في ناس يسموها الحبة السوداء , وبعدها تاكلي حبة تفاح أي نوع المهم تفاح .

3- لازم اتداومي على شرب الماي مو شرط دافي المهم يكون دافي عالريق بس , وشرب الأعشاب متل اليانسون أو البابونج أو أي شي من هادي الأعشاب بس شاي أسود أوقهوة أو نسكافيه ممنوع لأنها منبهات بدون فايدة كمان , وبالنسبة لشرب الشاي الأخضر مسموح لكن مو بعد الأكل مباشرة لأنه بيمنع امتصاص الحديد من الأكل بعد الأكل حاولي تاكلي حبة برتقال لأنها بتمتص كل الفيتامينات من الأكل و بتحفظها بالجسم .

4- الاكتار طبعا من الفواكه والخضار ونحاول نبعد عن النشويات و الدهون قدر الامكان .

5- ناكل عدد وجبات كتيرة بكميات قليلة يعني ممكن تاكلي بين 7-8 لوجبات يوميا بس كميات كتير قليلة هي الطريقة بتساعد على تخفيف الوزن + الاستفادة الكاملة من كل وجبة و بتريح المعدة و بتساعدها عالهضم .

6- عمل تمارين استرخاء يوميا كتير مريحين وبتساعد على هدوء الأعصاب .

هاد بالنسبة للغذاء .

أما الشعر :
ازا كان جاف :
بنخلط كوب زيت من كل من ( خروع + لوز حلو + محلب ) تخلط المكونات و توضع بزجاجة عند الاستخدام يؤخذ قدر الحاجة ويخلط مع العسل ويوضع عالشعر لمدة ساعة بس .

أما لوكان دهني و خفيف :
نضع 3 ملاعق ورق شجر سدر مطحون ويذوب بالماء الى أن يصبح رغوة ويترك لينقع نص ساعة ثم يغسل به الشعر مع التدليك مدة 10 دقايق ثم يغسل الشعر بالشامبو .
وفي مراحل الشطف الأخير للشعر نذوب في كاس ماء بارد عصير نص ليمونة + ملعقة عسل أصلي كبيرة ويشطف به الشعر و نعيما .
وطبعا ماء بارد للشطف لأنه يساعد على تخفيف الدهون من الشعر .
وبالنسبة للبشرة أنا بحب دايما أخلط العسل مع أي ماسك بستخدمه لأنه حتى لون البشرة مع الاستخدام المستمر بصير روعة ويللي بتحب تستخدم ماسك الليمون والجليسرين تخلط معه العسل و جربوا و شوفوا النتيجة بنفسكم و أي خدمة أنا جاهزة .
وعفكرة كمان هو روعة للرموش جربوه .:26: