يابنت بعد الستر صرتي تعرين

يابنت بعدالسترصرتي تعرين
ولاهوبذافرض ولاهوبذاسنه

لاتلبسين الثوب علاق تكفين
امي وامك قبلنا مالبسنه

وكانك بتقليدالخواجه تباهين
وراك يوم الحشر نار وجنه

وان كان ذي موضة تراكن مساكين
ا لكافرات بلبسهن تلبسهنه

لبس عليكن مثل المجانين
متقطع حتى الظهر بان منه

العاريات الكاسيات الملاعين
ياويلهن من شي يواجهنه

جدتنا باقي صداهن الحين
الكم لامنه قصرطولنه

لامالبسن لبسة ديانا ونادين
والساق مثل كلوديا ماكشفنه

وترى الحلاماهو بكشف الكراعين
ولاهوبكشف الصدرياللي تلبسنه

لاشفتهم بالعرس مثل الشياطين
حتى الشعرفوق الاذن اجبعنه

مالوم انامن عندهن نقص دين
الوم زوج خيب الله ظنه

يمشي وراها مثل مشي البعارين
لمطاردالموضه معاها تقنه

واليا نصحها قالت اسكت وبعدين
وان ماسكت في كف يدها تصنه

غصب عليه الحب فوق القوانين
لاتحترم رايه ولاتخاف منه

لجيب فاضي بعد جمع الملايين
بنات حواء ضاعن وضيعنه


نرجوالدعاء لكتابة القصيده