بدخل بالموضوع أبي منكم مساعده وهي ترشدوني لأماكن طلعات مناسبه
يعني لتغيير الجو من روتين الاسبوع بالبيت ومنها تكون غير مبالغ بأسعارهم..
بالعربي أنا من الشرقيه فلما كنت عزباء كان فيه دراسه وصديقات وأهل وتعرف بيت الأسره الكبيره..فيه ناس داخله وناس طالعه يعني الواحد يحس أنه عايش..وفيه روحات وجيات..
ومن سنتين ونص الله كتب لي أتزوج بالرياض ومافيه عندي أقارب ونظام زوجي من يوم السبت الى الأربعاء
دوام من الساعه7 الصباح الى3 العصر يجي يتغدى وينام ويصحى المغرب يصلي ويتقهوى ويقول وينك يالشارع
ولاأشوفه ألا بآخر الليل الساعه12..
ويوم الخميس هو يومي الخاص
فلاحظت بالرياض مافيه ألا مجمعات للتسوق يعني لازم صرف فلوس..أو مطاعم..كل شي بفلوس وغالي..
العالم الله مابقى مطعم ماجيناه كل أسبوع نروح مطعم يقال لنا غيرنا جو بتغيير المطعم..
رحنا(فانتزي لاند)دخول الشخص ب15 ريال..وماتدخل أكل ولا شراب عشان تشتري من الكفتيريا والمطاعم حقتهم وفيها ملاهي وجلسات وكلها بمبالغ طائله..
وفيه (منتزه الديره)دخول الشخص ب25 ريال..والالعاب مجانيه..لكنها ماتسوى الواحد يلعب فيها تافهه جدا..عشان كذا خلوها مجانيه..
أعرف أن فيه أستراحات اليوم الواحد من العصر الى 12 الليل ب500 وفوق..ونفس الشي الخيام,,ونفس الشي أستئجار غرفه بالمنتزهات..أشوفه شي خيالي أدفع على كم ساعه كل هالمبلغ..أفضل آخذ شقه مفروشه ب200 وأعيش يوم عسل ..ههههه
وأنا بصراحه وحده أقتصاديه أصرف لكن بالمعقول,,لابد أحتفظ بشي عندي ممكن يمرض الولد مثلا,أو تجيني ظروف تحتم نزولي لأهلي..
المطلــــوب:
أماكن لتغيير الجو بمبلغ معقول ومحترم..
يعني أستئجار غرفه بمنتزه ب50 ريال أو100 ماهي مشكله..
حدائق نظيفه ومرتبه تشابه كورنيش الخبر..
مطعم تحسون جوه مغاير..
مجمعات فيه جو غريب تراثي مثلا..
متاحف..أي شي يخطر في بالكم أسدحوه هنياااا..
ترى يابنااات طفشت..
