يابنــــــــــات نصيحــــــــــه لوجــــــــــــه الله ... ياليت الكل يدخل

السلام عليكم


عيدكم مبارك وسعيد :26:



امس كنت جالسه افكر بالعيد وش اسوي ومير اتذكر سالفه صارت لي العام بالعيد

واعتبرتها درس لي طول عمري وحبيت افيدكم فيها

السالفه ومافيها

كانت وحده من قريباتي دايم تتشكى لي من زوجها وارحمها مره وحسيت ان زوجها اكبر ظالم

وبس دايم اذا قلت لااحد سالفتها قعدت اتحيسب على زوجها اللي مايخاف الله والي فيه مايخطيه وشلون يسوي بزوجته كذا

لو ابقولكم سالفتها كلكم بتتفاعلون معها وبتضيق صدوركم يعني تحسونها مظلووومه مره مره

المهم

اني ربي طلع فضيحتها لي وعرفت ان زوجها مظلوم موب ظالم وهذا جزاء لي لاني كنت اظلمه وسمعت كلامها وماسمعت كلامه

الله يشهد ان كل كلمه اقولها صحيحه

صارت بيني وبيننها سوء تفاهم والكل توقع انها تجي تعتذر مني لان الخطا كان راكبها من راسها لاارجولها وكثير عارفين انها هي الغلطانه موب انا

تخيلو انها بدل ماتعتذر تجي وتتكلم فيني بكل مكان زي ماكانت تتكلم بزوجها وحطتني ظالمتها وسويت لها وسويت وكذبت علي وافترت اشياء ماسويتها

هذا وانا قريبتها واحبها وتحبني تسوي لي كذا اجل زوجها وش سوت فيه المسكين ؟؟


فعلا بعدها ماعاد اصدق اي احد يجي يتكلم لي ويتكشى لين اسمع الطرف الثاني


وانا لاحظت بهالقسم كل وحده تجي وتتشكى من اختها من امها من اخوها ومن زوجها ومن ابوها ومن طبينتها ومن ضرتها


والكل يايدها ويوقف معها ويتعاطف معها بدون مانسمع الطرف الثاني


ممكن هي ظالمه مو مظلومه وتتكلم عن الي سوه فيها وتنسى الي سوته فيهم !!!


حتى لو تعاطفتو معها وكسرت خاطركم لا تدعون على احد مهما يكون ولا تحيسبون عليه ولا تسبونه


وممكن بعض العضوات الله يهديها تحشرها على زوجها او اخوها او اختها وتقولها لاتسكتين لهم سوي لهم وسوي وتزيد الطين بله !