ناذيه @nathyh_1
عضوة جديدة
يابوي
يابوي
يابوي وينك عذبتني الليالي
ليتك تشوف الحال وشلون منصاب
ليتك تشوف الهم واوضاع حالي
ليتك تشوف الدمع وشلون سكاب
ليتك تشوف اللي بعدكم جرالي
حتى الفرح يابوي وياك قد غاب
أمشي وأنا يابوي همي ظلالي
وأخفيت جرح يايبة مابعد طاب
جرحن مع الأيام لامن طرالي
سالت دموع العين من بين الأهداب
ساعة رحيلك يابعد كل غالي
انهار حلمي وانكسر قلب معطاب
خاوتني الحسره وحزني غدالي
اوفا صديقن لي من دون الاصحاب
واوفت لي العبره وضيقي وفالي
وعايشتهم يابوي في ديرة اغراب
يابوي شفت الويل وانا لحالي
تركتني للوقت ولضيم الاقراب
العيش دونك والزمن ما هنالي
موحش بدونك يابعد كل الاحباب
واجهت أنا الدنيا بكل احتمالي
أسد باب وتنفتح بعده ابواب
أعيش في حزني وهم ارتحالي
أشيل حمل جبال يابوي وهضاب
مالي عضيد في حياتي موالي
أنخاه لاضاقت علي كل الاسباب
اخذ برايه لاتكسر مجالي
وفيه أعتزي كان الزمن كشر الناب
مالي سند غيرك ولا لي ولا لي
غيرك سواء المعبود هو رب الارباب
أرجيه سبحانه عظيم الجلالي
يرحمك ياذرب السلاله والانساب
وينزل على قبرك حقوق الخيالي
ويجعل عليه الخير والوبل ينساب
ويجعت مقامك في جنان معالي
وينجيك من شر الهوايل والاصعاب
هذا شعر قرأته وعجبني،الله لايحرمكم من كل عزيز
5
1K
يلزم عليك تسجيل الدخول أولًا لكتابة تعليق.
بكيتيني قسسسسسم (( الله يحفظهم ياا رب ))
لبى ذائقتك ياا قلبي ~
لا اله الا الله محمد رسول الله ...
لبى ذائقتك ياا قلبي ~
لا اله الا الله محمد رسول الله ...
الصفحة الأخيرة
سلمتي يالغلا