يابوي ليتك حيّ وتشوف حالي !
تشوف وش هو صار من بعد فرقاك ؟
صار الوطن بعدك من الناس خالي
صار .. بعد ما فقدناك
يابوي أنا بعدّك سهيره الليالي
مقهورة من دنيّاي منّا .. ومنّاك !
حدتني الدنيا وأنا راس مالي
إني .. عزيزه النفس .. مثلك وشرواك
مافيه شيٍ في حياتي صفالي
حتى . الورود . إن جيتها صآرت أشواك
أطيح وآحمولي عليّه إثقالي
وأتخيلك مديت لي كف .. يمناك
بعدّك .. ولآ مره ترى إرتاح بالي
أصفّق على كفي ندم وآتحراك
ومن ضيقتي يا كّم أصّدق خيالي
وأقوم أدوّر عنّك وآقول بـ .. ألقاك
أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟
أدري لو إنك حي يا أعز غالي
يمديك .. تفزع قبل .. ماجيك وانخاك !
ويلآه .. ياحالي وماهو جرالي
ويلآه .. ياقلبٍ تعذب في طرياك
ويلآه .. يابويّ من أول وتالي
لا والله .. أول .. كان .. ينجيني إدعاك
واليوم من بعدك وش اللي بقالي ؟
غير إني أدعي ربي يغفر خطاياك
يالله حطّه وسط منزآل عالي
في جنة الفردوس يارب الأفلاك
واغفر ذنوبه ياعزيز الجلآلي
واشرح لي صدرٍ ضاق من جّور دنياك
الله يرحمه ويرحم والدي
وجميع اموات المسلمين
مها و شيماء @mha_o_shymaaa
عضوة جديدة
يلزم عليك تسجيل الدخول أولًا لكتابة تعليق.
غلا غامد
•
اللهم اغفر للمسلمين والمسلمات والمؤمنين والمؤمنات
الأحياءمنهم والأموات00
يعطيك العااافية
الله يرحم ابوك ويغفر له00
الأحياءمنهم والأموات00
يعطيك العااافية
الله يرحم ابوك ويغفر له00
ftoooo
•
أدري لو إنك حي يا أعز غالي
يمديك .. تفزع قبل .. ماجيك وانخاك !
ااااااااااااااه يايبه
الله يغفر لك
ماعاد لي احد بعدك على كثر اخواني وخوالي
يمديك .. تفزع قبل .. ماجيك وانخاك !
ااااااااااااااه يايبه
الله يغفر لك
ماعاد لي احد بعدك على كثر اخواني وخوالي
:(
جا بوقتو دوبني قاعده أفكر فيه وأبكي عليه سنة كامله مرت ولاني قادرة أتأقلم مع وضعي الجديد
تمنيتو يكون معايا ويفرح بتخرجي يفرح بالقسم اللي دخلتو يفرح لأني برفع راسو بس للأسف مآلحق على هاللحظات :44: :44:
جا بوقتو دوبني قاعده أفكر فيه وأبكي عليه سنة كامله مرت ولاني قادرة أتأقلم مع وضعي الجديد
تمنيتو يكون معايا ويفرح بتخرجي يفرح بالقسم اللي دخلتو يفرح لأني برفع راسو بس للأسف مآلحق على هاللحظات :44: :44:
الصفحة الأخيرة
لا إله إلا الله محمد رسول الله