السلام عليكم :
قصيدة للشاعر نا يف بن عرويل قالها عندما طالب مجلس الشورى بتخفيض
مكافات الطلاب لكي لا تتأثر ميزانية الدولة.....
يقول فيها:
الشقاء عذّب قلوب الناس وأسرف فـي ألمهـا () والدموع إلي على اوجـان الفقـارى مستهانـة
يستشفـون السعـادة والأمانـي مـن عدمهـا () والضمير اللي حكولـه ماتحـرك مـن مكانـة
دوروا حل المشاكـل والمشاكـل وش رسمهـا () غير تغييب الضمير وغيـر تضييـع الأمانـة
مشكلتنـا في البطالـة قالهـا اللـي مافهمـهـا () لا وربـي الـلي خلقنـا مشكلتنـا في البطـانـة
بالقصـور وبالتغاضـي والتهـاون نتهمـهـا () من طيوف الشعـب كلـه يستحقـون الإدانــة
ناس عاشت فـالنعيم وربـي بفضلـه كرمهـا () بالوسايط والرشـاوي وصّلـوا ذيـك المكانـة
غيبوا شمس الحقيقـة وابدلونـا فـي وهمهــا () وصارت أحلام السعادة في عيون النـاس دانـة
قل حال الناس زاد وقـام ينهـش فـي لحمهـا () ومجلس الشورى يناقش كيف تخفيف الإعانــة
والإعانة وش تسوي وش تسوي لـو خصمهـا () لو خصمها وش تسوي أفهموا يا اهـل الفطانــة
يـللي تحـط المبـادي والمبـادي تحترمهـا () أسألـك بالله ليـه الظلـم هــذا والخيـانــة
ياخي ناضر في الألوف إلي جنابـك يستلمهـا () ليش مايخصم معاشك أو على فلوسك حصــانة!!؟
حط حيلك في الظعوف وصد عينك عـن قممهـا () وانت تاكل وآنا آكل واترك السـارق وشانـــه
قاعدة عمت علينا خاب حـض اللي نضمهـا () وخاب حض الي تبعها وارتضى درب اللعانـــة
ذي بلدنا ذي بلدنـا كيـف بيدينـا نهدمهـا؟؟ () كيف نرضى بالفساد وكيف نرضى بالأهانـــة؟
اشتكـوا خـل الحقيقـة ترفـع يديكـم علمهـا () زلزلوا من عاث فيهـا زلزلـوا كامــل كيانـه
والأمـل بعـد الله بليـثٍ تولاهـا وحكمـهـا () ذاك ابو متعب عسى الله ينصره ويعـز شانـــه
قالـه الـي مابدتلـه كلمـة الحـق وكتمـهـا () شاعر ٍ لأصعب قضايـا أمتـه سخـر لسانـــه
وأنا داري هالقصيدة ألف واحـد مـا هضمهـا () لكـن الباقـيـن قـالـوا الله يسـلـم بنـانــه
مشكلتنـا فالبطانـة مشكلتنـا فــي قيمـهـا () بـس ماهـو كلبوهـم فيـه قـلـة للأمـانــة
ومن يقول بغير ذالك الـه نضـرة واحترمهـا () المهم الي بقولـه صـار واضـح فـي بيانـــه
والمشاعر لو تخير كـان هجـت مـن قلمهـا () وكان ماقالـت قصيـدة فالحريـم وفالبطانـــة
منقوول....http://alsaha2.fares.net/sahat?128@142.8dDeaEO20SE.0@.3ba96ef3
الشامانه @alshamanh
محررة
يلزم عليك تسجيل الدخول أولًا لكتابة تعليق.
الصفحة الأخيرة
الله يسلم بنانه
خطير هالشاعر وهالقصيده خطيره :)
الف شكر على هالنقل