السلام عليكم ورحمة الله وبركاته
وشلونكم يا صويحباتي وش علومكم..يارب يجعلها علوم طيبة وتسر خاطركم
هذا يا طويلات العمر على طاعة الرحمن بأذن الله
وانا بذا الليل الهادئ والجو الرومنسي وصحن الشاورما بجنبي وكاسة الشاهي بالحبق <<مزاج ملكي :king:
وانا ادج دجات ماهي هينه في الويتويب.. وشوف شي عجيب هفهف قلبي معه <<وش هفهفته ذي :icon8:
المهم قلت اوريه خواتي بعالم حواء ويعيشون معي هاللحظات اللي عشتها
طحت على مقطع لشيخ عمر عبدالكافي يحكي لنا
عن الرؤيا اللي شافها الصحابي ابن عباس رضي الله عنهما لعمر ابن الخطاب رضي الله عنه بعد استشهاده بليلتين
قال ابن عباس بفرح لرؤية عمر : امير المؤمنين ؟
كيف حالك.؟
قال عمر: طاشت تلك الإشارات وضاعات تلك العبارات...( قصده امير المؤمنين مين ؟خلاص انا في القبر ماعاد فيه اللقاب وعبارات)
قال ابن عباس: ماذا صنع الله بك؟؟
قال عمر رضي الله عنه: والله ان كاد عرشي ان ينهد ..لولا أن لقيت الله غفورآ رحيم <<يعني ربي نجاه
قال ابن عباس : لنصرتك للإسلام؟؟
قال : لا
قال ابن عباس: بعلمك؟؟
قال : لا
قال ابن عباس : بعدلك؟
قال: لا
قال ابن عباس: انما بماذا ..؟؟؟
قال عمر رضي الله عنه: اسير بالمدينة يومآ...ورأيت اطفالآ يلعبون بعصفـور قد قيدوه بخيط ..
ففككت الخيط...فطار العصفور
فقيل لي يا عمر فككت إسار العصفور .ونحن نفك إسارك اليوم فدخل الجنــــــــة
لا إله إلا الله...هذا وهو الفاروق ابن عمر ..فكيف نحن..؟؟؟ :44:
طيب ايش علاقة زوجي بـ هالقصة وبـ عمر رضي الله عنه..!؟؟؟
مره كنت جالسة في الصالة....وطرى لي افتح شباك المنور تتهوى الصالة
والله و اشوف ذاك العصفووور...ياقلبي عليه يحاول يطير ماقدر
وكأن جناحة موجوع او هو من الجوع والعطش ماعاد له قدره وحيل يطير..لان من شكل ريشه باين عليه انه له كم يوم
قمت رميت له شويه حب ..لكن مااااااااش ما ارتحت
ابي انزله مويه ..مافي له طريق صعب عليَّ الوصول..لان المنور ماله باب ..له شباك صغير ..
يعني لو اتهور ودخل منه بأنشب نشبة ماعاد اطلع لو يسحبوني بـ سطحة <<:icon19: مش مقاسي ههه
والله ويقوم شايبنا من النوم موجوع ويتألم من كتفه ورقبته..لان عنده إنزلاق غضروفي, كثير ايام ماينام من الألم
المهم ووقوله تعال شوف العصفور هذا المسكين
ويجي وهو يهمز رقبته وكتفه....قال من متى هو هنا؟؟؟
قلت مادري توني شايفته ..وش السوات ؟؟
قام راح على جهه الشباك الصغير وفتحه ..وحاول يحني ظهره بين ركبه <<رغم الألم اللي يعاني منه
ودخل منه بهدووء....وحاول يمسك بالعصفور اللي قام يتخبط هنا وهناك
واخذه زوجي ..وطلعه عند باب البيت ..قرب الزرع كان رشاش المويه يرش الزرع
خله يشرب..ويطير براحته
وهنا وجه الشبه في الموقفين
فهذا ابن الخطاب العادل الزاهد المجاهد الشهيد ...دخل الجنة بـ فك اسر عصفور
تصديقآ لكلام الصادق المصدوق صلى الله عليه وسلم« لا تحقرن من المعروف شيئا ولو أن تلق أخاك بوجه طلق »
من هنا اقول عسى ربي بكرمة وعفوة وفضله ان يعفو عن زوجي مثل ما عفى عن ابن الخطاب رضي الله عنه ويحشرنا معه
وسأل الله ان يفك عنا وعنكم كل مايقيدنا عن الجنة وعن جميع الموحدين
ويدخلنا الجنــة بلا حساب ولا سابقة عذاب
امين
رؤيا مؤثرة لعمر بن الخطاب بعد وفاته عمر عبد الكافي
احبكم في الله
:26:
يعطيك العافيه يالغلا...