والنهايه معكم يابنات
والنهايه مع الاخوات اللي كل شوي تطلع وحده فيهن وتحط موضوع تشغل فيه اخواتها
ولاتعاطفوا معها الاخوات وشالوا همها تدللت عليهن وسحبت عليهن
الوحده فيهن تكتب مشكلتها وحاطها براسها ياتصدقوني ولا ترى بادعي عليكن ولا توبه ادخل المنتدى
ليش انتي اعز من رسول الله صلى الله عليه وسلم اللي كذبوه واتهموه بالجنون والسحر والكهانه....
رغم كذا صبر وسامح وعفى....
الوحده اول امرها يكون همها مشكلتها ثمن تقلب وتصير مشكلتها بعض الردود
بصراحه اسلوبها في التغلي على الاخوات يدل فعلا على ان القصه ممكن تكون من بنات أفكارها
اجل تنسين وقفة أكثر من 800 (ماشاء الله) وتقدرين خاطر ماينعدون على الأصابع؟
كم من اخت مانامت الليل شايله همك وتدعي لك آخرتها تنزلين موضوع كله تغلي
لا والبنات مازالوا ياخذون بخاطرها وطايحين سب بهالجمعه في اللي ماصدقوا
اللي تقول ماعليك من الحقيرات واللي تقول الكلاب تنبح وبلاوي
الحين بدال ماانتوا اللي تزعلون عليها وتعقلونها طايحين سب في بعض في يوم فضيل ؟
بعدين شعليه متعاطفين مع مشكلتها لهذا الحد
عشان زوج ؟
طيب وين الله سبحانه وتعالى ؟
ليش مانخلي همنا هو رضا الله سبحانه وتعالى ونشغل انفسنا بطاعته ونوكل امورنا له ونشكي له
ليش دايم همنا الزوج
تقول زوجي خانني
طيب لو تزوج عليك ؟
هو ظلم نفسه وبياخذ عقابه ليش حاطه سالفته سالفه
ومشيله نفسك واخواتك هم موهمك فيه الشيطان انه هم ....
بصراحه يوم اقرأ ردودهم واخذهم بخاطرك وانتي ساحبه عليهن أحس بغثيان
وانتوا يا أخوات اطلعوا من الموضوع ومن المنتدى كله وروحوا تعبدن الله فهاليوم الفضيل
ماتدرون يمكن مايعود عليكن وتقعدون بحسره
اشغلن انفسكن بالطاعه بدال ما انتوا قاعدات تسوون نداءات للأخت متغليه...
اللي يمكن بعد ساعه من قرآءة هذا الموضوع تنزل موضوع تستدر به عطف الاخوات
وتخليهم يوصفوني بالصفات السابقه الذكر ...بس تدرون انا مسامحتكم مقدما
الحين باطلع من المنتدى واشوف تقصيري واللي عندها رد من اياه علي لاتكلف نفسها لأني
ماراح ارجع للموضوع ولاني داخله لين ينقضي ذا اليوم
يالله يابنات الهمه الهمه لاتنسون آخر ساعه من اليوم وسورة الكهف والإكثار من الصلاة على النبي
اللهم صلي على محمد وعلى آله وصحبه وسلم تسليما كثيرا
على فكره قناة الناس الآن فيها خطبه رائعه للشيخ محمد حسين يعقوب ياليت تستفيدون منها
في اامان الله
يلزم عليك تسجيل الدخول أولًا لكتابة تعليق.
~ بيلسـان ~
•
يعطيك العافيه
الصفحة الأخيرة