ياتلحقي ياماتلحقي

هلا وغلا بخواتي الحوائيات حبيت افيدكن يا اغلى خوات :27:

بالاول بقولكن وش صار معي بينما كنت انا وزميلاتي في الدوام جالسات {{بينما كنت وجالسات رقعنها عاد خخخخخخ

المهم وكل وحدة على مكتبها اللي تتراجف من البرد واللي ماسكة جوالها وتطقطق فيه واللي ماسكة اوراق وتصحح واللي تتقهوى واللي تتثاوب ( هذي انا هع هع ) المهم الا رنة رسالة اية لخويتي اللي جنبي وانا انقز لها يااااااالهووووووي رسالة رسالة الحقوا رسااااااالة ( صارت الرسايل مصيبة في هالزمن خخخخخ ) المهم وتقرأ الرسالة ومعالم وجهها تغيرت قالت احسب وحده معبرتني وراسلة لي رسالة قلت اجل وش هالرسالة اكيد stc ههههههههههه
قالت من بودي شوب عندهم عروض 70 بالمية وابقق عيوني مو معقولة واقلبها براسي قلت اليوم بداهمهم واشوف عروضهم صحيحة والا كالعادة خرط فاضي والله والساعة 10 مساء وانقز لأبو الشباب قم الله لا يهينك طشني عند بودي شوب قام مسك راسي قال لايكون مصخنة والا شيء قلت لا والله بكامل قواي العقلية قال الدنيا مطر وبررررررد قارس وش سوقه ماسوقه قلت شف اليوم ياذابح يامذبوح بتودي والا لا شكل الرجال ارتعب قال لا والله بوديك بس اكفيني شرك << تخوف شريره خخخخخخ والله القط عباتي واطير على بودي شوب ياااااساتر الدنيا مطر وحالة وكله كوم ويوم بغيت انزل من السيارة كوم الارض كلها مويا وارفع بعباتي وحالتي حالة وادخل للمحل اخيرا واخذ جوله فيه تخفيضاتهم حلووووووه على بعض الاشياء مثل الاضاءة كانت تقريبا ب 70 صارت ب 15 والماسكرا ب 15 والا كريم للجسم كان 85 صار 15 وعطر كان ب 69 صار 30 وكريم جسم بعد بنكهة الكرز كان ب 69 صار ب 15 وقلوس كان اعتقد ب 49 صار ب 15 وزيت للوجه كان 67 صار ب 10 ريال وفيه بعد طقم ظلال تقريبا 5 الوان ب 15 ريال واشياء للجسم لوشنات وكريمات ومقشرات على 20 و15 لكن الارواج والاساس والبودرة والفرش والاطقم هالاشياء ماعليها تخفيض والله عبيت كيس من عندهم تقريبا ب 160 ريال ومن قبل كنت اخذ شيء او شيئين بهالقيمة بس بصراحة خرجتي بهالوقت مو خسارة وحتى زوجي بيتشقق من الوناسة يقول اول مرة تعبين كيس من عندهم ماوصل ل 200 ريال قلت زوجتك ذكيه :35: يعنني ههههههه هاه وش رايكم كتبت لكم قصة حياتي شكلي بتكفخ بهالتفصيل الممل وكنت بنزل لكم صور اغراضي << فرحانه بأغراضها
بس مافحالي تعبانه واتراجف من البرد :icon33: يلا تشاوا