ياجدارة اكتب فيك شعر مدح ولاهجاء احسن ارثي نفسي

بسم الله الرحمن الرحيم

بنااات معليش فيني غصه تلعب في منطقة البلعوم

قهر .....مررارة
مدري انا مع الضغوط الشخصية ماصار عندي صبر

متخرجه ماقبل الهجرة اي بالجاهلية العضمى....ايام الدينصورات

عاد لازم احكيكم عن ايام الدينصورات...كانو ينزلون الوظايف في العام مره وحده وكنا نجي من كل مكان حتى نذهب لهذا المقر ومعانا صخرة خضرا تحتوي على شهاداتنا ونزاحم عشان ناخذ ورقة ونعبي ونزاحم وكذااااا وندف ونزحف وطرح تطيح وصراخ اياااااااام واولياء امورنا برا في الشمس عوضا عن المشوار الطوييييييييييييييييييييييييل الي طاقه
حياه جهاد
المهم مع العمر صار فيه نت وتقديم من خلاله وكل سنة
نكون قاعدة بيانات لجدارة ببلاش كل بنت سادحه كل مايخصها
وتسهلت وصار بس تحديث كل مانزل ..... صح على طاري التحديث يبون يعرفون انتي موتي ولا للحين باقي تتنفسين
يبغون يفرحون لحد الحين مارتاحو مني سبحان الله يمكن انا ضلمت الخدم المدنية اسمعهم يقولون الظالم يمد في عمره ... استغفر الله المهم
الحين مد الله بعمري واذ بي اختبر كفايات واذ بي اجيب درجة تمشي ولكن

لما دخلت لللمحروس ابن المحروس جدارة يقولي لازم تختبرين

وتدق الغصه في قلبي وتصعد حتى البلعو م فتقف وتتحجر

واصرخ في الجهاز وعلى الشاشه بانت ضروسي المكسرة والمحطمة وظهر شعري الشايب
وقلت
مالك ياجدارة لاتحترم شيبتي
مالك ياجدارة لاتهتم بصحتي معظم امراضي منك ولك
مالك ياجدارة .......اغرب عن وجهي

ولفيت بالمنتديات يقولون
لازم يطلع اسمك هنا
http://tkml.moe.gov.sa/movt/qiyas.aspx

طيب ماطلع والحل اروح اشيل شلالي واروح لرياض واقول ترى قياس مارسلو درجتي ولا اش اخربط

دخيلكم احد يفهمني ويرد علي .... رد الله عنه نار جهنم