ياجماعة هذا مس لو سحر ...... تعبت خلاص ؟؟؟؟؟

السلام عليكم ورحمة الله وبركاته

انا فتاه في العشرين من عمري تزوجت وعمري 18 والان لي ثلاث سنوات متزوجه

السنه الاولى مرت بسرعه وهي جميله لا تنسى كنت استخدم حبوب منع الحمل

لاني بعدي صغيره ماني مستعجله تركته لما صار لي سنه ونص سبب شبه عقم تعالجت والحمد لله

لكن عندي هرمون الحليب مرتفع وباقي التحاليل اوكيه زوجي فيه ضعف في الحيوانات المنويه

للحين مافيه حمل ان شاء الله مايجي رمضان الا وانا حامل وكل وحده محرومه

في احد الايام بعد سنه ونص زواج

حلمت وكان الحلم ماادري نايمه لو صاحيه

الوعي حاضر واشوف الي حولي حتى التلفزيون يشتغل اشوفه

لكن الي شفته ماينوصف جن اعوذ بالله منه الحين ماحلم مثل قبل

لكن تخيلو كل يوم يجيني اكون مثل النايمه والجالسه يكتم نفسي واحس بحراره

وضربات قلبي تزيد ولساني مثل المربوط مااقدر اتكلم كل يوم يجي يطالع فيني ويروح

تعبت نفسيتي صرت اتخيل اشياء واخاف اجلس بروحي اشكالهم ماتنوصف قبيحه جدا

لونهم احمر ومرات اشوفهم اسود كل يوم شكل حتى ايام اعاندهم ارجع انام يجون

يخلوني غصب اقوم تخيلو اشوفهم في اليوم ثلاث لو اربع مرات

حتى مره كان القران يشتغل جاء وقام يصرخ في اذني عشان لااسمع

بعدين يروح وش يبي مني خلاص تعبت

حتى النوم كرته بسببه احس اني راح اجن

كل يوم يجي في شكل والادهى مره جاي ومعاه واحد جالسين يطالعون فيني

ويقرب وجه جنب وجهي وانا من الخوف اغمض عيني اب اذكر اسم الله مااقدر حسبي الله عليه

يطالعون فيني وانا مثل المشلوله مااقدر اتحرك وبعدين يروحون واصحى

بس ماني عارفه هذا حلم لو حقيقه الي اشوفه يكون الوعي حاضر وابي اتكلم بس هو ماسكني

ودائما احلم اني اجامع رجال اغراب حتى مره كنت اجامع واحد ويقولي انا ابليس

وكان يجامعني داخل الحمام

واحلم كاني في حمام او امشي في ماي وكانه رجال يلحقوني وانا اهرب منهم

وحشرات وكلاب تجي غرفت نومي وانا مااقدر اطردهم

حتى الجماع مع زوجي كرهته مافيه رغبه ابد

قلت يمكن من البيت مو زين بس انا ساكنه في شقق وزوجي معاي كلهم مايشوفون شي

بس انا اشوف في النوم وانا ميته خوف لو اشوفهم في الطبيعه اتوقع اني اموت

ابي تنصحوني اي وحده صار لها مثلي اوتعرف شيخ زين تقولي

ابي شوركم والله يوفقكم ويعطيكم مرادكم

.....................