وضوح أقنعه @odoh_aknaah
محررة
ياجماعه ولدي ماينام تعبني وتعب كل من حولي
لاحول ولاقوة الابالله ولدي دوبه دخل السابع نومه عجيب غريب ماينام غير نص ساعه تعبني اهلكني دمرني نفسيا مايخليني ارتاح ولا اتهنى بنومه مدري اش فيه احترت معه اقولكم كيف جدول نومه فالليل ارضع واهز لين حضرته ينام وخلاص اطمن انه دخل فنوم عميق احطه على فراشه والله ماتمر نص ساعه ثلاثين دقيقه بالتمام الا وهو صاحي ونرجع نعيد نفس الموال ترضيع وهز وانا داريه انه مو جيعان بس عشان مايبكي وعلى هذي الحاله طول الليل والنهار اذا جاء النهار يصحصح 11 ويقعد للعصر ثم ينام نص ساعه وانا تخيلو عندي جامعه واخليه عند امي وربي تعبها امي حرمه كبيره حرمها من نوم الضحى لان الي ينام جنبه مايتهنى بنومه صاحيه بالله اش ممكن يكون الحل ليش ولدي كذا وربي امي مستغربه تقولي ماني خابره البزران كذا ولدك غريب الولد اذا نام ياخذاه ساعتين ثلاث متواصله ماهو زي ولدك وربي تعبت اكل ووكلته قالولي بعد ماياكل يتعدل بس ماتعدل شي الى متى بضل على هذي الحاله لاحول ولا قوة الا بالله
24
24K
يلزم عليك تسجيل الدخول أولًا لكتابة تعليق.
فرج الاستغفار
•
الطفل الصغير مايتعدل نومه الا على السنه او بالاخص لامشى لانه يتعب فاينام نوم عميق على العموم انتي شوفيه يمكن مغص او اسنان ترى الاسنان توجع الصغير وسوي له سيوك للفم وحاولي تلعبينه وطولي الفتره بين النومه والثانيه والله يعينك هذي ضريبه الامومه شابت روسنا الله يرحمنا
الله يعينك ويكون في عونك حماتي حفيدها كذا طول الوقت صياح ماينااام وودوه معالجه شعبيه وكوته والحمد لله تقول الحين طيب واشوا خف صياحه انا اذكر ولدي من جبته وهو في الليل ماينام بس يصيح ماادري ايش فيه ومرات ابوه يقرا عليه ومرات اذا كنت عند اهلي الوالد الله يشفيه يقرا عليه بس يوم صار عمره سنتين بظبط راح عنه الحمد لله
الله يعبينك ﻻ تنوميه فتره العصر وخليه يلعب اكثر شي لين يتعب او صحيه قبل المغرب يعني بعد المغرب نافيه نوم لين ينام مع موعد نومك وهيئ له الجو بالليل ﻻ ازعاج وﻻ اضاءه قويه ترى وضعه ﻻ مو طبيعي يمكن بردان او انتي معودته ما ينام الابحضنك اكبر خطاء انا كنت كذ ا مو واحد ﻻ اثنين كنت اتعب كثير بعدين صرت انوم كل واحد جنبي ورضعته في فمه لكن على جنب حتى ما يدخل الحليب في انفه ...
الله يشفيه ويصلحه ويعينك عليه .
الله يشفيه ويصلحه ويعينك عليه .
الصفحة الأخيرة