السلام عليكم ورحمة الله وبركاته
ياخواتي الغاليات علي قلبي
قبل ابدا بموضوعي ابي كل من دخلت هالموضوع تامن علي دعائي
اللهم ياذا الجلال والاكرام وفق بنات المسلمين وزوجهم ازواج صالحين وارزقهم ذريه طيبه صالحه بحولك وقوتك ياارحم الراحمين
اللهم اميييييييييييييييييين
مشكله تاخر زواج بعض الفتيات و بعض المشاكل الزوجية وبعض حالات تاخر الحمل ممكن يكون سببها مرض روحي
صراحه شفت كذا شيخ وتكلمت مع كذا شيخ لان اختي مسحورة وكنت تقريبا معها في اغلب جلسات القراءة وكنت اناقش المشايخ واستفسر وطلعت بهذا القدر من المعرفة حبيت الجميع يشاركني فيها وماابي منك ياخواتي الا الدعوة الطيبه وان ربي يشفي جميع بنات وشباب المسلمين اللي مصابين بامراض روحية
احسن طريقة للعلاج القران والطب النبوي ابيكم ياخواتي تطبقون هالبرنامج اسبوع كامل ابي تطبيق بحذافيره وبتشوفون باذن الله الفرج من الله
الطب النبوي يشمل ( تمر العجوة - ماء زمزم - العسل وافضل انواعه عسل الشوكه وعسل السدر - زيت زيتون )
فيها اشياء اجتمع المشايخ الله يجزاهم خير علي تاثيرها ماء الورد - العصفر - السدر ورق التين والشذاب والمسك
البرنامج اللي ابيكم تطبقونه يالغاليات قبل ماتبدون فيها اهم شي : الثقة بالله وانه سبحانه الشافي ومهما حاول اي شخص يساعدك اذا ربي مااذن لك بالشفاء ماراح تشفين لذلك اهم شي نطيع الله واول شي بطلبه منكم المحافظة علي الصلاة والسنن الرواتب بوقتها قراءة القران حاولوا يالغاليات تختمين القران في اسبوع بتدبر وفهم لمعانيه اتركي المعاصي (الاغاني - التلفاز - الغيبه والنميمه - استري نفسك بالعبايه عباية راس ساتره ) حافظي علي اذكار الصباح والمساء واذكار النوم واذكار الاستيقاظ من النوم اذكار الدخول لدورة المياة والخروج منها اعزكم الله اذكار بعد الصلاة اذكار الدخول للبيت والخروج منه حافظي علي صلاة الضحى وصلاة الوتر لا تنامين الا وانتي مصليتها تضرعي لله بالدعاء
اطلبي من الله الفرج فهو سبحانه القادر علي ذلك وتصدقي كل يوم بالقليل ريال واحد يكفي (فيه موضوع حطيتها من قبل عن افكار للصدقة بسيطه بمتناول اي انسان يسويها ليتكم تدورون الموضوع وتستفيدون منه) ابيكم كل يوم في الصباح والمساء تقولين ( لا اله الا الله وحدة لا شريك له له الملك وله الحمد ) 100 مره
(استغفر الله الذي لا اله الا هو الحي القيوم واتوب اليه ) 100 مره
(سبحان الله وبحمدة سبحان الله العظيم ) 100 مره
( سبحان الله والحمد لله ولا اله الا الله والله اكبر ولا حول ولاقوة الا بالله ) 100 مره
نبدا الحين بالبرنامج
تمر العجوة يالغاليات ياخذ علي الريق واحسن نوع لتمر العجوة اسمه العالية ابحثوا عنه هو غالي شوي لكنه مفيد باذن الله (اتوقع الكيلو 150 ريال)
ماء زمزم اقري فيه واشربه طول اليوم واذا تحطين علي موية ورد مرة زين واحسن نوع مويه الورد السرتي وتراها رخيصه بخمسه ريال ريحتها نفاثة مره
العصفر يالغاليه زين خذي عشر كاسات مويه زمزم مقري فيها مع ملعقة عصفر حطيها بالثلاجه وكل يوم خذي كاس واحد
العسل خذي منه ثلاث مرات اليوم قسمي وقتك بحيث كل اربع ساعات تاخذين ملعقة
بالنسبه لخلطه تشترينها من العطار وتخلطيه ورق السدر ورق التين ورق الشذاب وخشب المسك تطحنينها تاخذين كاس منه وتحطينه بنص البانيو وتجلسين فيه ربع ساعه افضل وقت للاغتسال بين صلاة العصر والمغرب
زيت الزيتون تدهنين فيه كامل جسمك وتنامين فيه لين الصباح واثناء النوم تشغلين رقية ممكن تحصيلنها بالنت اي شيخ ترتاحين له يسمونها رقيه عامه
اخواتي اللي شاكين ان معهم مس عاشق مرتكز بالارحام يشترون اي لوشن طبي وياخذون من العطار مسك اسود خام وتخلطينهم واذا جيتي تحطين راسك علي المخدة تاخذين شوي تدهنين جسمك من السر الين الفخذين من ورا ومن قدام باذن خلطه مفيدة وتشيلهم من الارحام واللي تكون متزوجة بالاضافة لهذه الطريقة تحط زيت وعسل ومسك اسود (مسك الطهار) تحطينه باصبعك وتدهنين فيه من جوا البنات لا تسوين هالطريقة هذه للمتزوجات فقط باذن الله تشوفون الشفاء القريب
ياخواتي اكيد من اسباب تاخر الزواج والمشاكل الزوجية مو كلها امراض روحية لا بعضها لاسباب اخرى اذكر منها :
1- لبس الفتاه لبس عاري وغير محتشم تدرون ليش ممكن ياخر زواجها لان اغلب اللي يخطبون حريم كبار والحرمة الكبيرة او حتى الشاب نفسه اذا عرف ان البنت غير محتشمه يجي في راسها شكوك عن اخلاقها وترا ياخواتي الحريم الكبار يشوفون البنت اللي تتزين بزيادة وتلبس عاري انها صريفه يعني بتخسر ولدها خصوصا اذا الولد من الدخل المحدود وهذا اغلب حالات شباب هالايام
2- ياخواتي ترا كثره الجوال بيد البنت او كثره اتصالات البنت قدام الناس اسمحوا لي يخلون الناس يشكون باخلاقها ادرى ان هذا تفكير غبي لكن قولي لي شلون نقدر نغير المجتمع شلون نجي عند كل وحدة ونقولها ترا البنت اخلاقها ممتازة وتكلم صديقاتها
3- كثرة خروج البنت من البيت وسهرها خارج البيت الناس تشك بهالبنت حتى لو انها اشرف بنت والناس للاسف ماتتناقل الا الاخبار الشينه
4- عبايه البنت اي رجال فيه غيره علي زوجته مستحيل يرضى ياخذ بنت عبايه مخصره او مزركشه
5- اغلب البنات الله يهديهن اذا جوا بحفلات تشوفين صوتها مرتفع وضحك بصوت عالي صراحه بدون زعل تحسين مافيها انوثة اللي تسوي هالحركات
6- بعض الاهالي للاسف يمنعون البنت من الزينه واللبس بحجه انها بنت طبعا هذا غلط البنت اهتمي بشكلك وحاولي دايم تختارين الالوان اللي تناسبك وتبين جسمك جميل اللي تكون سمينه تسوي رجيم واللي نحيفه تسمن شوي
اهتمي بعطرك وجمال عيونك ولون شعرك قصي شعرك قصه ماتكون محرمة بدون مايكون فيها تقليد اعمى اهتمي بلون بشرتك اللي بقوله اهتمي دايم بشكلك وحاولي تعطين انطباع لللي حولك اني جميله وانيقة بحدود ماتغضبين ربك
7- شي مهم للحين اغلب البنات ناسينه صله الرحم اهتمي بابوك وامك بري فيهم وخليهم يدعون لك الحين انتم عندهم بكره باذن الله ببيت زوجك
8- نقطه لاحظتها ولا احد يزعل مني بعض البنات تشوفينها من بعيد تقولين وش هالمتكبره ذي واول ماتجلسين معها وتسولفين معها تحبينها ياخواتي هذا مو خلق المسلمه المسلمه دايم ابتسامتها علي وجهه طيبه من بعيد ومن قريب
9- المعاصي سبب في منع الرزق حاولي تجاهدين نفسك ترك المعاصي اجبري نفسك علي الطاعات صدقوني في البدايه تتعبين لكن باذن الله بترتاحين بالدنيا والاخرة ياخواتي فيه وحده من الاخوات كان زوجها الله يهديه مايصلي ويكلم بنات وجلست يمكن خمس سنوات ماتحمل يوم التزم زوجها ورجع لربه حملت علي طول سبحان الله كان سبب المنع معاصي الزوج
اتمنى اكون غطيت اغلب النقاط دون نسيان اي وحده تكون عندها اضافات لا تبخل علينا فيها
ياخواتي الغاليات اي شي سائل لازم تقرين عليها سواء ماء او زيت او عسل ممكن تقرين بنفسك او ترسلينه لشيخ يقرا عليه الجوامد لا يقرا عليها ياخواتي اللي متزوجة تستخدم البرنامج مع زوجها علي الاقل الطب النبوي يستخدمه
اتمنى القى منكم بهالموضوع تفاعل كبير ومابي منكم غير دعوة بظهر الغيب واي وحده تطبق النظام اللي حطيتها وتنخطب نبيها تبشرنا واذا شافت اي حلم خلال استخدام هالبرنامج تفسره وعسى ربي يجعل فيه فرج
يااخواتي ادري بعضكم يقول صعب ترا الشيطان اللي يقولك صعب عشان يخرب عليك حياتك لا تستلمين لليأس ولا تقنطين من رحمة ربك وحاولي تجاهدين نفسك طاعه لله ثم عشان مصلحتك
ياخواتي انا عندي مشكله في اشتراكي ماتشتغل معي الرسائل الخاصه ولا استطيع اضيف الا ثلاث مشاركات باليوم استميحكم عذرا اذا احد رد وطلب مني شي وماقدرت ارد عليه
جاء دوركم يالغاليات ابيكم ترفعون الموضوع عشان الكل يستفيد
ياجميلات حواء تبون تتزوجون وتنحل مشاكلكم مع ازواجكم .. تفضلوا حل مشاكلكم عندي
36
3K
يلزم عليك تسجيل الدخول أولًا لكتابة تعليق.
: رنيم :
•
جزاك الله خيرااا مع اني ماقرايت الموضوع
لان مليت من هالمواضيع والركض وراء السراب
كل ماشفنا موضوع دخلنا وطبعنا واستغفر الله
العظيم ماشفناشئ ادري كل تاخيره وفيها خيره ولا اني يائسه من رحمة الله لان كلنا تحت رحمته
مااقول الاالحمد لله ... والفرج من عند رب العالمين
ناس ماشاء الله تبارك الرحمن لاتدعي ولاتقرا سورة البقره ولاتسوي شي وماشاء الله تزوجوا وتهنوا << ماهو حسد لاوالله ماشاء الله عليهم
بس اوضح المساله مساله نصيب فقط ومكتوب ومقدر لكن متى بنفهم ؟؟ هنا السؤال اللي مالقيت له اجابه!!
لان مليت من هالمواضيع والركض وراء السراب
كل ماشفنا موضوع دخلنا وطبعنا واستغفر الله
العظيم ماشفناشئ ادري كل تاخيره وفيها خيره ولا اني يائسه من رحمة الله لان كلنا تحت رحمته
مااقول الاالحمد لله ... والفرج من عند رب العالمين
ناس ماشاء الله تبارك الرحمن لاتدعي ولاتقرا سورة البقره ولاتسوي شي وماشاء الله تزوجوا وتهنوا << ماهو حسد لاوالله ماشاء الله عليهم
بس اوضح المساله مساله نصيب فقط ومكتوب ومقدر لكن متى بنفهم ؟؟ هنا السؤال اللي مالقيت له اجابه!!
: رنيم : :
جزاك الله خيرااا مع اني ماقرايت الموضوع لان مليت من هالمواضيع والركض وراء السراب كل ماشفنا موضوع دخلنا وطبعنا واستغفر الله العظيم ماشفناشئ ادري كل تاخيره وفيها خيره ولا اني يائسه من رحمة الله لان كلنا تحت رحمته مااقول الاالحمد لله ... والفرج من عند رب العالمين ناس ماشاء الله تبارك الرحمن لاتدعي ولاتقرا سورة البقره ولاتسوي شي وماشاء الله تزوجوا وتهنوا << ماهو حسد لاوالله ماشاء الله عليهم بس اوضح المساله مساله نصيب فقط ومكتوب ومقدر لكن متى بنفهم ؟؟ هنا السؤال اللي مالقيت له اجابه!!جزاك الله خيرااا مع اني ماقرايت الموضوع لان مليت من هالمواضيع والركض وراء السراب كل ماشفنا موضوع...
حبيت ارد عليك بشئ واحد اقري الموضوع وطبقي وربي بتدعين لي وانا متاكدة ثقتي بالله تقولي انك بتتزوجين
والله يارب يفرح قلبك بزوج صالح يحبك ويحترم ويرزقك الذريه الصالحه
ياخواتي اللي تقول انا كبرت تراني انا ماتزوجت الا وعمري 33 سنه والحمد لله مبسوطه ومستانسه
الله اذا بغى يعطي يعطي بلا حدود لكن يعطي اللي يحسن الظن فيه ويؤمن انا مااصابني لم يكن ليخطئني ومااخطئني لم يكن ليصيبني الا باذن الله
واعرف بنات كثير ماطبقوا هالبرنامج صحيح وتزوجوا يمكن عشان ماعندهم مشاكل ويمكن عشانهم اطاعوا ربهم واعطاهم ربهم حتىى ارضاهم ليتك يالغاليه تقرين موضوعي كيف تزوجت بتشوفين كيف كنت وكيف صرت والحمد لله
والله يارب يفرح قلبك بزوج صالح يحبك ويحترم ويرزقك الذريه الصالحه
ياخواتي اللي تقول انا كبرت تراني انا ماتزوجت الا وعمري 33 سنه والحمد لله مبسوطه ومستانسه
الله اذا بغى يعطي يعطي بلا حدود لكن يعطي اللي يحسن الظن فيه ويؤمن انا مااصابني لم يكن ليخطئني ومااخطئني لم يكن ليصيبني الا باذن الله
واعرف بنات كثير ماطبقوا هالبرنامج صحيح وتزوجوا يمكن عشان ماعندهم مشاكل ويمكن عشانهم اطاعوا ربهم واعطاهم ربهم حتىى ارضاهم ليتك يالغاليه تقرين موضوعي كيف تزوجت بتشوفين كيف كنت وكيف صرت والحمد لله
الاخت رنيم :(
يووة ردك يحبطني حييييييل تكفين لاتقولين كذا
لاني بقلبي مقتنعه بكلامك واقوله احيان لاحول ولاقوة الا بالله
بس بعقلي ارضا بقدري ونصيبي واوكل امري لخالقي
تكفيييين لاتقنطين من رحمة ربي ولاتفكرين كذا ترى بتجيك ضيقه من هاليأس
الله يفرجها علينا ويرزقنا وبنات حواء بالازواج الصالحين عاجلا غير اجل
يارب ياكريم ارزقنا
ولصاحبة الموضوع جزاكي الله خير يالغلا
يووة ردك يحبطني حييييييل تكفين لاتقولين كذا
لاني بقلبي مقتنعه بكلامك واقوله احيان لاحول ولاقوة الا بالله
بس بعقلي ارضا بقدري ونصيبي واوكل امري لخالقي
تكفيييين لاتقنطين من رحمة ربي ولاتفكرين كذا ترى بتجيك ضيقه من هاليأس
الله يفرجها علينا ويرزقنا وبنات حواء بالازواج الصالحين عاجلا غير اجل
يارب ياكريم ارزقنا
ولصاحبة الموضوع جزاكي الله خير يالغلا
الصفحة الأخيرة
عندي اضافة قراء سورة البقرة كل ثلاثة ايام في البيت
الله يرزقنا بالازواج الصالحين عاجلا غير اجلا اللهم آآآآآآآمين